O Decreto 108/1987, do 7 de maio, determinou os nomes oficiais das parroquias pertencentes ós concellos: A Arnoia, A Bola, Castrelo de Miño, Cortegada, Pontedeva, Punxín, San Amaro e Verea (Ourense).
O traballo de campo e a documentación utilizados pola Comisión de Toponimia ó longo destes anos aportaron datos que aconsellaron á comisión, na súa sesión plenaria do vintenove de marzo de mil novecentos noventa e cinco, revisa-lo dictame referido a unha parroquia do concello da Arnoia e outra do concello de San Amaro, publicada no Decreto 108/1987, do 7 de maio (DOG do 25 de maio).
Por proposta do conselleiro da Presidencia e Administración Pública e logo de deliberación do Consello da Xunta de Galicia na súa reunión do día vinte de abril de mil novecentos noventa e cinco,
DISPOÑO:
Artigo único.-Modifícase o Decreto 108/1987, do 7 de maio, polo que se determinan os nomes oficiais das parroquias que se relacionan, no sentido seguinte:
No concello da Arnoia, onde dicía: «Arnoia (San Salvador)», debe dicir: «Arnoia, A (San Salvador)».
No concello de San Amaro, onde dicía: «Varón, O (San Fiz)», debe dicir: «Barón, O (San Fiz)».
Disposición adicional
Do establecido no presente decreto e do seu anexo darase conta ás autoridades estatais correspondentes para os efectos que cumpran no exercicio das súas funcións.
Disposición derradeira
Este decreto entrará en vigor o día seguinte ó da súa publicación no Diario Oficial de Galicia.
Santiago de Compostela, vinte de abril de mil novecentos noventa e cinco.
Manuel Fraga Iribarne
Presidente
Dositeo Rodríguez Rodríguez
Conselleiro da Presidencia e Administración Pública