Esta dirección xeral, unha vez cumpridos os trámites administrativos preceptivos, resolveu anunciar concurso público aberto, trámite de urxencia, para a contratación da seguinte:
Obra: reparación e acondicionamento da Residencia de Oleiros, terceira fase.
Orzamento de contrata; 1995: 220.000.000 ptas.
1996: 250.221.915 ptas.
Total orzamento: 470.221.915 ptas.
Prazo de execución: oito (8) meses.
Clasificación do contratista: grupo, C-K; subgrupo, todos; categoría, F.
Fianza definitiva: 18.808.877 ptas.
Exposición de proxectos:
O proxecto e prego de cláusulas administrativas particulares poderán examinarse na fotocopistería Copinyno (rúa Xeneral Pardiñas, 2, Santiago de Compostela, teléfono (981) 58 89 38) durante o prazo de presentación de proposicións.
Prazo de presentación de proposicións:
Deberán presentarse, no rexistro xeral da Consellería de Sanidade e Servicios Sociais, antes das 14 horas do décimo quinto día hábil a partir da publicación do concurso no Diario Oficial de Galicia ou por correo na forma indicada no artigo 100 do Regulamento xeral de contratos do Estado.
Documentación que deberán presenta-los licitadores:
-No sobre da documentación persoal: a documentación sinalada na cláusula 7.3 do prego de cláusulas administrativas pola que rexe a adxudicación do contrato.
-No sobre da documentación económica: a establecida na cláusula 7.2 do prego de cláusulas administrativas.
-No sobre da documentación de referencias técnicas: a establecida na cláusula 7.4 do prego de cláusulas administrativas.
Apertura de proposicións:
Realizaraa a Mesa de Contratación na sala de xuntas da Dirección Xeral de Servicios Sociais a partir das 10 horas do sexto día natural seguinte ó de cerre do prazo de emisión de ofertas.
No caso de que o dito día coincida en sábado ou festivo, a apertura das proposicións terá lugar o día hábil seguinte.
Anuncios:
O anuncio do presente concurso público será por conta do adxudicatario do contrato.
Santiago de Compostela, 5 de maio de 1995.
Manuel Aguilar López
Director xeral de Servicios Sociais