O Decreto 40/1995, do 27 de xaneiro, polo que se regulan as feiras culturais en Galicia, sinala, no seu artigo 4, que a Consellería de Cultura deberá publica-lo calendario das feiras que realizarán os seus servicios. Para o ano 1995, a Consellería ten prevista a realización dunha ampla serie de feiras culturais, que integrarán á súa vez, en diferentes xornadas adicadas a diversos tipos de materiais, tanto as tradicionais feiras do libro como as novas feiras da música e feiras do debuxo e o gravado. Por iso,

DISPOÑO:

Artigo 1º

A Consellería de Cultura da Xunta de Galicia realizará, neste ano de 1995, feiras culturais nas seguintes localidades e datas:

Estas feiras poderán integrar, dentro das datas sinaladas, diversos acontecementos en xornadas adicadas ó libro, á música e ó debuxo e gravado.

As xornadas adicadas ó libro serán:

Estas seccións de feiras do libro realizaranse en colaboración coa Federación de Libreiros de Galicia.

Prevense igualmente xornadas dedicadas á música gravada e ó debuxo e ó gravado, dentro das feiras culturais, nas localidades e datas seguintes:

Artigo 2º

A Consellería de Cultura poderá, en función do número de participantes, realizar variacións nas datas de celebración ou anular algunha das seccións previstas. Nestes casos comunicaranse os cambios a tódolos interesados.

Santiago de Compostela, 11 de abril de 1995.

Víctor Manuel Vázquez Portomeñe

Conselleiro de Cultura