Consonte coa proposta elevada pola comisión constituída para xulga-lo concurso convocado por resolución da Universidade de Vigo do 23 de maio de 1994 (BOE do 10-6-1994), para a provisión dunha praza de catedrático de escola universitaria da área de coñecemento de química inorgánica, do departamento de Química Pura e Aplicada da Universidade de Vigo, a prol de Mercedes García Bugarin, DNI nº 36.029.461, e cumprindo a interesada os requisitos do apartado 2º do artigo 5 do Real decreto 1888/1984, do 26 de setembro,

Este rectorado, no uso das atribucións conferidas polo artigo 42 da Lei 11/1983, do 25 de agosto, de reforma universitaria, e demais disposicións que a desenvolven, resolveu nomear a Mercedes García Bugarín catedrática de escola universitaria da área de coñecemento de química inorgánica, do departamento de Química Pura e Aplicada desta universidade.

Este nomeamento terá plenos efectos a partir da correspondente toma de posesión pola interesada, que deberá efectuarse no prazo máximo de un mes, a contar desde o día seguinte ó da publicación da presente resolución no Boletín Oficial del Estado.

Contra esta resolución, que esgota a vía administrativa, poderán os interesados, logo de comunicación a este rectorado, interpoñer recurso contencioso-administrativo perante o Tribunal Superior de

Xustiza de Galicia no prazo de 2 meses a contar desde o día seguinte ó da súa publicación no Boletín Oficial del Estado.

Vigo, 15 de marzo de 1995.

José Antonio Rodríguez Vázquez

Rector da Universidade de Vigo

XULGADO DE PRIMEIRA INSTANCIA E INSTRUCCIÓN NÚMERO DOUS DE

SANTIAGO DE COMPOSTELA