Obxecto: asistencia técnica ó Concello da Coruña para a atención do teléfono de información cidadá 010 (ref. As95/10).

Tipo de licitación: non se sinala.

Garantías: provisional, 360.000 pesetas; definitiva, 4% do importe de adxudicación.

Modelo de proposición: reintegradas cun timbre municipal de 17.740 pesetas, as proposicións axustaranse ó seguinte modelo:

Don/Dona...., veciño/a de...., con domicilio en...., provisto/a de DNI nº...., en representación de...., con domicilio... (ou no seu propio nome), informado/a do anuncio do concurso para asistencia técnica ó Concello da Coruña para a atención do teléfono de información cidadá 010, e dos pregos de condicións que o regulan, que acepto integramente e me comprometo a acatar, formulo proposición optando á adxudicación polo prezo de:

-Axente telefónico... pesetas (IVE incluído)

-supervisor... pesetas (IVE incluído).

En proba de aceptación de tales compromisos, deixo asegurada esta proposición co depósito previo esixido; como xustifico co resgardo que achego.

Data e sinatura do propoñente.

Presentación de proposicións: presentaranse en sobre pechado no rexistro xeral de entrada deste concello, en man ou por correo, no prazo de vinte días hábiles contados a partir do seguinte ó da publicación do anuncio de licitación no Boletín Oficial del Estado, en horas de nove a trece. No caso de resultar sábado o día de finalización do prazo, quedará este automaticamente prorrogado ó día hábil seguinte.

Prego de condicións: poderanse examinar e retirar copia na Unidade de Obras e Concesións, 2º andar do pazo municipal, praza de María Pita, nº 1, 15001 A Coruña.

A Coruña, 18 de abril de 1995.

O alcalde

Rubricado