A Delegación Provincial da Coruña anuncia a licitación polo sistema de poxa das obras que se relacionan:
A) Obras.
Clave: CXC-3-1V-95 Cerceda.
Obra: estrada Cerceda-Paiosaco. Tramo IV.
Orzamento: once millóns cincocentas trinta e cinco mil oitocentas trinta e seis pesetas (11.535.838 ptas.)
Prazo de execución: tres meses.
Clasificación: non se esixe.
Fianza provisional: duascentas trinta mil setecentas dezasete pesetas (230.717 ptas.).
Clave: XC-6-IV-95 Cerceda.
Obra: Cerceda-Cambre, da estrada Muros-Cambre. Tramo IV.
Orzamento: trinta e nove millóns cincocentas cincuenta mil pesetas (39.550.000 ptas.).
Prazo de execución: doce meses.
Clasificación: grupo G, subgrupo 4, categoría c.
Fianza provisional: setecentas noventa e unha mil pesetas (791.000 ptas.).
Clave: XC-5-V-95 Cerceda.
Obra: estrada, Carballo-Ordes. Tramo V. Travesía de Xesteda.
Orzamento: vinteún millóns setecentas trinta e catro mil seiscentas oitenta e tres pesetas (21.734.683 ptas.).
Prazo de execución: seis meses.
Clasificación: grupo G, subgrupo 4, categoría c.
Fianza provisional: catrocentas trinta e catro mil seiscentas noventa e catro pesetas (434.694 ptas.).
Clave: AC-95.173 Ribeira.
Obra: beirarúas e iluminación pública na C-550, travesía de Palmeira.
Orzamento: oito millóns duascentas oitenta e catro mil cincocentas oitenta e oito pesetas (8.284.588 ptas.).
Prazo de execución: cinco meses.
Clasificación: non se esixe.
Fianza provisional: cento sesenta e cinco mil seiscentas noventa e dúas pesetas (165.692 ptas.).
(Declarada urxente con base no establecido no artigo 26 da Lei de contratos do Estado e a 32 Lei 6/1994, da Comunidade Autónoma galega).
B) Documentos de interese para os licitadores: o prego de cláusulas administrativas particulares, así como o proxecto, estarán de manifesto e ó dispor dos concursantes, para o seu exame, durante o prazo de presentación das proposicións, os días e horas hábiles de oficina, na Delegación Provincial da Consellería de Política Territorial, Obras Públicas e Vivenda, Servicio Provincial de Contratación, edificio administrativo de Monelos, 8º andar, na Coruña.
C) Garantías que se lles esixen ós licitadores: esixirase a fianza provisional indicada no apartado A) anterior, salvo nos casos establecidos no Real decreto 1883/1979, e unha fianza definitiva equivalente ó 4% do orzamento de contrata.
A devandita fianza poderá ser presentada na modalidade e polas persoas ou entidades que especifica a lexislación española vixente.
D) Modelo de proposicións: proposición económica formulada estrictamente conforme o modelo que se xunta ó prego de cláusulas administrativas particulares.
E) Prazo e lugar para a presentación de proposicións: as proposicións deberán presentarse en sobre pechado no rexistro da Delegación Provincial da Coruña da Consellería de Política Territorial, Obras Públicas e Vivenda ou ser enviadas por correo dentro do prazo de admisión sinalado conforme o disposto no artigo 100 do Regulamento xeral de contratación do Estado.
0 prazo de admisión das proposicións terminará ás doce horas do décimo quinto día natural, que non coincida en sábado ou festivo, seguinte ó da publicación deste anuncio no Diario Oficial de Calicia.
F) Apertura das proposicións: a apertura das proposicións será realizada pola Mesa de Contratación ás doce horas do terceiro día natural, que non coin
cida en sábado, contado a partir do último día de presentación de proposicións.
G) Documentos que deben presenta-los licitadores: os que figuran no prego de cláusulas administrativas particulares.
O importe do presente anuncio será por conta do adxudicatario.
A Coruña, 19 de abril de 1995.
P.D. (Orde 30-1-1995)
Jesús Almuiña Loeda
Delegado provincial da Coruña