Por medio desta cédula notifícaselles ós denunciados, cos datos e último enderezo coñecido sina
lados no anexo, que se formularon contra eles as denuncias que se expresan. Por este motivo iniciáronse, cos números que se indican, os correspondentes expedientes sancionadores que poden dar lugar ás sancións que tamén se sinalan. O que se lles notifica, facéndolles sabe-lo dereito que os asiste de alegar por escrito ante este Servicio Provincial de Transportes o que consideren conveniente, aportando ou propoñendo as probas que coiden oportunas, dentro dos quince días hábiles seguintes ó da publicación desta cédula. Así mesmo, notifíca
selles que a autoridade competente para impoñer a sanción é o subdirector xeral de Transportes da Consellería de Política Territorial, Obras Públicas e Vivenda, en virtude das competencias atribuídas polo Decreto 70/1993, do 10 de marzo (DOG 24/3/1993), polo que se regulan os órganos competentes para a imposición de sancións por infraccións cometidas en materia de transportes mecánicos por estrada.
Para que conste, sirva de notificación ós denunciados de dirección descoñecida, e en cumprimento do disposto no artigo 59.4º da Lei 30/1992, do 26 de novembro (BOE do 27), de réxime xurídico das administracións públicas e do procedemento administrativo común, expido, asino e selo esta cédula na Coruña o 13 de marzo de 1995.
Gonzalo López González
Xefe do Servicio Provincial de Transportes da Coruña