No BOP de Ourense nº 266, do 21 de novembro de 1994, publícase o prego de condicións que rexerá a contratación, por concurso, do servicio de recadación de impostos taxas e prezos públicos do concello de Viana do Bolo, en no número 22, do 27
de xaneiro de 1995, a rectificación do punto nº 4 (prazos) e do punto no 5 d (valoración de méritos).
É obxecto do concurso a adxudicación da xestión do servicio de recadación do concello de Viana do Bolo, coa finalidade de proceder ó cobro dos impostos, taxas e prezos públicos que teñan establecidos ou se establezan no concello, en período voluntario e executivo.
Poderán concorrer ó concurso e presentar proposicións as persoas naturais e xurídicas con capacidade xurídica e de obrar, non comprendidas nas causas de excepción e incompatibilidades sinaladas pola lexislación vixente, con aplicación directa ou supletoria á contratación local.
Os restantes anuncios relacionados con este concurso publicaranse no BOP de Ourense.
Viana do Bolo, 6 de marzo de 1995.
Neftalí Prieto Barrios
Alcalde