Dentro dos programas de actividades que a Academia Galega de Seguridade ten previsto realizar no ano 1995, de forma descentralizada, e conforme as funcións atribuídas pola Lei 4/1992, do 9 de abril, de creación da Academia Galega de Seguridade, anúnciase a celebración de tres cursos sobre dereito administrativo policial básico, que deberán desenvolverse conforme as seguintes bases:
Obxectivos.
Os cursos teñen por obxectivo inicia-lo policía no estudio do dereito administrativo policial e dotalo dunha formación teórico-práctica que lle sexa útil no desempeño posterior do seu labor profesional.
Destinatarios.
Os cursos van dirixidos ós membros dos corpos da policía local de Galicia.
lnscrición.
A inscrición dos participantes será totalmente gratuíta.
Prazas.
O número de prazas que se ofertarán por curso será de 50.
Solicitudes.
1. O persoal que desexe participar neste curso deberá presentar, cuberta a máquina ou con letra moi clara, a instancia que figura no anexo, acompañada dunha fotocopia do DNI e do carné profesional.
2. O prazo para a presentación de instancias rematará nas seguintes datas:
-Vigo: 15 de maio.
-Lugo: 23 de maio.
-Pontevedra: 6 de xuño.
3. As instancias deberán enviarse á sede da Academia Galega de Seguridade: rúa de Madrid, s/n, polígono das Fontiñas, 15703 Santiago de Compostela.
Contido e duración.
Os cursos celebraranse en sesións de tarde, de luns a venres, e neles trataranse, entre outros, os seguintes temas:
a) Actos dos procedementos administrativos.
b) Actos e espectáculos públicos.
c) Armas e explosivos.
d) Lei de seguridade cidadá.
Datas.
Os cursos celebraranse nas seguintes datas:
-Vigo: do 29 de maio ó 2 de xuño.
-Lugo: do 12 ó 16 de xuño.
-Pontevedra: do 19 ó 23 de xuño.
O horario será de 16 a 20 horas do serán.
Relación de admitidos.
A relación de admitidos publicarase os días:
-Vigo: 23 de maio.
-Lugo: 31 de maio.
-Pontevedra: 14 de xuño, no taboleiro de anuncios da Academia Galega de Seguridade, ou ben poden confirma-la súa asistencia chamando ó teléfono (981) 56 3 00.
Lugar.
Os cursos desenvolveranse nos seguintes lugares:
-Vigo: nos locais da policía local.
Lugo: salón de actos do parque da Milagrosa (Servicio Municipal de Vías e Obras).
Pontevedra: salón de actos de Caja Madrid.
Certificado de participación.
Ó remate de cada curso entregaráselle un certificado de asistencia e aproveitamento a aqueles persoas que acrediten a súa participación continuada ó mesmo, non podendo supera-las faltas de asistencia un 15% do total da duración de horas lectivas do curso; unha inasistencia superior ó 15%, aínda que sexa xustificada, e a non superación das correspondentes probas de coñecementos, impedirá a expedición do certificado.
Modificacións.
A Academia Galega de Seguridade poderá modifica-lo desenvolvemento dos cursos para adaptalos ás necesidades da Administración e ás continxencias que poidan xurdir.
Santiago de Compostela, 28 de marzo de 1995.
Juan José Fariñas-Ferro Rodríguez
Director xeral da Academia Galega de Seguridade