Visto o expediente incoado nesta delegación provincial por instancia de Eléctrica de Valdriz, con domicilio na Coruña, en solicitude de autorización para instalar mellora da subministración na Pobra de San Xulián-Láncara, e cumpridos os trámites de información pública que determina o artigo 9 do Decreto 2617/1966, do 20 de outubro, sen que se presentase oposición nin obxección ningunha á citada solicitude.
O delegado provincial, de conformidade co Decreto 1634/1980, artigo 14, e co 2617/1966, artigo 11, así como coas demais disposicións vixentes, resolveu:
Autorizar a Eléctrica del Valdriz, a instalación de liña de media tensión subterránea a 20 kV, de 140 metros de lonxitude, con apoios de formigón, con cable LA-56, entroncamento aéreo no C.T. colexio e C.T. Tranquilo, con enlace no poste número 5 da liña aérea de media tensión Valdriz-Moscán, con
cables unipolares de 15/25 kV, de 1x95 mm, de aluminio, designación UNE-R.H.V., para mellora do servicio na Pobra de San Xulián, no concello de Láncara.
Esta autorización non supón a aprobación do proxecto.
Lugo, 24 de febreiro de 1995.
Jesús Bendaña Suárez