Esta consellería, unha vez cumpridos os trámites administrativos correspondentes, resolveu anunciar, polo sistema de concurso de procedemento aberto, a obra que se cita:
Construcción dun centro de ensino secundario obrigatorio de 16 unidades en Laracha, A Coruña.
Orzamento de licitación: 287.487.487 ptas. (douscentos oitenta e sete millóns catrocentas oitenta e sete mil catrocentas oitenta e sete pesetas).
Prazo de execución: 15 meses.
Clasificación requirida: grupo C, categoría E.
Exposición de proxectos: os proxectos e o prego de claúsulas administrativas particulares estarán de manifesto na Subdirección Xeral de Construccións e Equipamento da secretaría xeral desta consellería, edificio administrativo, 2, San Caetano, Santiago de Compostela, durante o prazo de presentación de proposicións das dez ás catorce horas. O prego de cláusulas administrativas particulares tamén se poderá examinar nas delegacións provinciais de educación.
Prazo de presentación de proposicións: comezará o día seguinte ó da publicación da presente resolución no BOE e rematará o día 22 de abril de 1995.
Lugar de presentación de proposicións: no rexistro xeral desta consellería, edificio administrativo 2, San Caetano, Santiago de Compostela. En canto ás pro
posicións por correo, haberá que aterse ó disposto na cláusula 7.1º do prego das administrativas particulares.
Documentación que presentarán os licitadores: a especificada nas cláusulas 7.2, 7.3 e 7.4 do prego das administrativas particulares.
Exame da documentación: a Mesa de Contratación cualificará as documentacións presentadas e publicará a continuación, no taboleiro de anuncios desta consellería, o resultado da devandita cualificación, co fin de que se emenden, dentro do prazo que se indique os defectos materiais observados na documentación.
Apertura de proposicións: será realizada pola Mesa de Contratación ás 12 horas do día 28 de abril de 1995 na sala de xuntas desta consellería.
O importe deste anuncio correrá por conta da empresa adxudicataria.
Santiago de Compostela, 24 de marzo de 1995.
Juan J. Bértolo Cadenas
Secretario xeral da Consellería de Educación e Ordenación Universitaria