De conformidade coa proposta elevada pola comisión designada para xulga-lo concurso convocado por resolución desta universidade do 21 de marzo de 1994 (BOE do 12 de abril) para a provisión da praza número 94/006 de catedrático/a de universidade da área de coñecemento de socioloxía, do departamento de Socioloxía e Ciencia Política da Administración desta universidade, a favor de Antonio Izquierdo Escribano, e unha vez acreditados polo/a interesado/a os requisitos a que alude o artigo 5.2º do Real decreto 1888/1984, do 26 de setembro,

Este rectorado, en uso das atribucións conferidas polo artigo 42 da Lei 11/1983, do 25 de agosto, de reforma universitaria, e demais disposicións que a desenvolven, resolveu nomear a Antonio Izquierdo Escribano, catedrático/a de universidade da área de coñecemento de socioloxía, do departamento de Socioloxía e Ciencia Política da Administración desta universidade.

A Coruña, 6 de marzo de 1995.

José Luis Meilán Gil

Rector da Universidade da Coruña