Dentro do programa de actividades da EGAP para 1995, e conforme as funcións atribuídas pola Lei 4/1987, do 27 de maio, de creación da escola, e pola Lei 10/1989, do 10 de xullo, de modificación da anterior, anúncianse os cursos que figuran no anexo I, que se deberán desenvolver conforme as seguintes bases:
Primeira.-Solicitudes.
1. O persoal que desexe participar nestes cursos deberá presentar, cuberta en tódolos epígrafes que lle correspondan, a instancia e o currículum segundo o modelo anexo. Só se poderá solicitar un curso.
2. A falsidade ou ocultación de datos esenciais para a selección dos aspirantes dará lugar á exclusión automática do curso e á imposibilidade de participar en ningún outro curso neste ano.
3. O prazo de presentación de instancias será o que se sinala para cada curso no anexo I.
4. A dita documentación dirixirase á EGAP, polígono das Fontiñas, s/n, 15703 Santiago de Compostela, e presentaranse no rexistro da EGAP ou no das delegacións provinciais da Consellería da Presidencia e Administración Pública.
5. As instancias do persoal que non resulte seleccionado para asistir a estes cursos teranse en conta como solicitudes nas futuras convocatorias desta mesma materia que se publiquen no presente ano, para a mesma localidade.
Segunda.-Acceso ás actividades.
1. Poderá participa-lo persoal que cumpra os requisitos específicos esixidos para cada curso. Nos cursos que se celebren fóra de Santiago de Compostela terá preferencia o persoal dos servicios provinciais respectivos.
2. A lista dos seleccionados publicarase no taboleiro de anuncios da EGAP.
Terceira.-Asistencia, probas e certificacións.
1. É obrigatoria a asistencia a tódalas sesións dos cursos. Toda inasistencia a clase deberá ser xustificada debidamente polo interesado, sen excede-lo 15% das horas lectivas programadas para o curso; unha inasistencia superior ó 15%, aínda que sexa xustificada, dará lugar á baixa no curso.
2. Ós asistentes que superen as probas que determine a EGAP outorgaráselles un certificado de aproveitamento.
3. Para coñecemento e constancia no seu expediente, o interesado deberá facilitarlles unha copia ós servicios de persoal do seu centro directivo.
Cuarta.-Modificacións.
A EGAP poderá modifica-lo desenvolvemento e mailos contidos dos cursos anunciados para adap-
talos ás necesidades da Administración e ás continxencias que poidan xurdir.
Santiago de Compostela, 28 de marzo de 1995.
Jaime Rodríguez-Arana Muñoz
Director da Escola Galega de Administración Pública
ANEXO I
Curso: linguaxe administrativa galega para os grupos A e B da Administración autonómica.
1. Obxectivos: o curso ten por obxectivo a aprendizaxe e perfeccionamento da lingua galega e, especialmente, da linguaxe administrativa.
2. Destinatarios: persoal da Administración dos grupos A e B da Xunta de Galicia, Parlamento de Galicia, Valedor do Pobo e Consello de Contas, que estean en posesión do certificado de perfeccionamento da lingua galega, circunstancia que terán que acreditar no momento de solicitaren o curso.
3. Desenvolvemento:
3.1. Duración: 40 horas.
3.2. Lugares e datas:
3.3. Horarios: lunes, martes e xoves das 17 ás 20 horas.
3.4. Prazas: 25.
4. Contido:
Módulo I. A linguaxe administrativa.
Módulo II. A linguaxe administrativa galega.
Módulo III. O estudio de documentos administrativos.
Curso: linguaxe administrativa galega para os grupos C e D da Administración autonómica.
1. Obxectivos: o curso ten por obxectivo a aprendizaxe e perfeccionamento da lingua galega e, especialmente, da linguaxe administrativa.
2. Destinatarios: este curso vai dirixido ó persoal funcionario dos grupos C e D da Xunta de Galicia, Parlamento de Galicia, Valedor do Pobo e Consello de Contas, que estean en posesión do certificado de perfeccionamento da lingua galega, circunstancia que terán que acreditar no momento de solicitaren o curso.
3. Desenvolvemento:
3.1. Duración: 40 horas.
3.2. Lugares e datas:
3.3. Horarios: luns, martes e xoves das 17 ás 20 horas.
3.4. Prazas: 25.
4. Contido:
Módulo I. A linguaxe administrativa.
Módulo II. A linguaxe administrativa galega.
Módulo III. O estudio de documentos administrativos.
CONSELLERÍA DE POLÍTICA TERRITORIAL, OBRAS PÚBLICAS E
VIVENDA
