O Pleno do Concello, en sesión do 24 de febreiro pasado, acordou aprobar inicialmente a modificación puntual das determinacións do plan xeral de ordenación urbana e o programa de actuación urbanística no sector SUNP-6 en San Lázaro.
Os expedientes expóñense ó público no negociado de planeamento e xestión do concello, polo prazo dun mes con inserción de anuncios no DOG, BOP e prensa. O prazo enténdese aberto desde o día da publicación do primeiro anuncio ata que pase un mes desde o día no que se publique o derradeiro.
Como consecuencia dos acordos citados, e en exercicio do que dispón o artigo 102 do Real decreto
lexislativo 1/1992, acordouse tamén a suspensión polo prazo máximo de dous anos do outorgamento de licencias para parcelacións, edificacións e derrubas no ámbito afectado. Os lindes do ámbito de suspensión de licencias son os seguintes:
Norte: rúa de San Lázaro (estrada N-643).
Sur: Avda. de Fernando de Casas Novoa.
Leste: Avda. de Gonzalo Torrente Ballester.
Oeste: casas números 64, 66, 68, 70, 72 e 74 da rúa de San Lázaro.
Contra o acordo de suspensión do outorgamento de licencias pódese interpor recurso contencioso-administrativo perante o Tribunal Superior de Xustiza de Galicia no prazo de dous meses desde a publicación deste anuncio.
Santiago de Compostela, 17 de marzo de 1995.
P.D.
Pedro A. Fernández Fernández
Concelleiro delegado de Urbanismo