Polo Decreto 359/1994, do 2 de decembro (DOG nº 240, do 15 de decembro), apróbase a agrupación dos concellos da Pobra de Tnives e de Río para o sostemento en común dun posto único de secretaría.
Sendo necesario clasifica-lo posto resultante da devandita agrupación de concellos, a Consellería da Presidencia e Administración Pública, de acordo co establecido nos artigos 2, 9 e na disposición adicional segunda do Real decreto 1732/1994, do 29
de xullo, e no uso das facultades que lle confire o Decreto 216/1994, do 15 de decembro,
DISPÓN:
Clasifica-lo posto de secretaría da agrupación Trives-Río, provincia de Ourense, en clase 3ª, subescala secretaría-intervención.
Contra a presente orde poderase interpoñer recurso contencioso-administrativo, perante o Tribunal Superior de Xustiza de Galicia, no prazo de dous meses contados a partir da súa publicación no Diario Oficial de Galicia.
Santiago de Compostela, 1 de marzo de 1995.
Dositeo Rodríguez Rodríguez
Conselleiro da Presidencia e Administración Pública