0 Pleno da Corporación, en sesión do día vintetrés de febreiro de mil novecentos noventa e cinco, adoptou o seguinte acordo:

Primeiro.-Prestar aprobación, con carácter inicial, á proposta -instada por iniciativa particular por Luna, S.L., Eduardo Feijoo, S.A., Edificaciones Galaicas, S.L. e Cesáreo José Fernández Janeiro- de modificación da actual unidade de actuación número 5 do vixente PXOU, de conformidade co proxecto presentado polos peticionarios o día 17-1-1995, acordándose, en garantía da adecuada xestión efectiva da unidade, a adopción das seguintes determinacións:

A) Os promotores da modificación, na súa condición de propietarios das parcelas que, como consecuencia da nova delimitación se convertan en soares, terán que ceder, como condición para o outorgamento de licencia as vías de acceso á praza totalmente urbanizados, presentando, unha vez outorgada a licencia, certificado final de obra e escritura pública de cesión dos ditos terreos.

B) Os terreos dos solicitantes incluídos dentro do ámbito da unidade de actuación terán que someterse ó inicio do proceso de xestión e exceución da unidade a través dos mecanismos urbanísticos estipulados pola normativa reguladora do solo, para este fin, na aprobación definitiva da modificación proposta, imporase coa condición de que os solicitantes presenten ante o rexistro deste concello os preceptivos estatutos e bases de actuación no prazo de seis meses desde a publicación da dita aprobación. En caso contrario, ó amparo do previsto no artigo 30.1º do texto refundido da Lei do solo, verán reducido o seu aproveitamento urbanístico nun 50%.

Ámbalas condicións establecidas terán que ser inscritas no Rexistro da Propiedade, polos promotores da modificación, ó amparo do disposto no artigo 307 do texto refundido da Lei do solo, achegando solicitude da dita inscrición no prazo de un mes desde a súa aprobación.

Segundo-Someter a información pública o expediente e proposta citada durante o prazo de quince días mediante anuncio no taboleiro de edictos da Casa do Concello, un periódico dos de maior circulación provincial, BOP e Diario Oficial de Galicia, computándose este período desde esta última publicación, con notificación persoal ós propietarios de terreos incluídos na unidade de actuación número 5, para os que o prazo empezará a contarse desde o día seguinte ó da recepción da notificación.

Terceiro-Dispor que con carácter previo á aprobación definitiva, se procede, Cesáreo José Fernández Janeiro ratifique os compromisos a que se obrigou acerca da concesión da superficie da súa propiedade destinada a industria de panadería afectada polo alargamento da rúa ou praciña Fonte da Moureira, segundo o vixente PXOU.

Durante o prazo de cinco días, contado a partir da publicación deste anuncio no Diario Oficial de Galicia, calquera interesado poderá examina-lo expediente incoado na Unidade de Fomento (rúa Dona Teresa) deste concello, e presenta-las alegacións que coide pertinentes.

Pontevedra, 7 de marzo de 1995.

Francisco Javier Cobián Salgado

Alcalde

Julio Dapena Outomuro

Secretario