María Manuela García Jalón de la Lama, secretaria do Xulgado de Primeira Instancia e Instrucción número cinco de Santiago de Compostela. Dou fe de que no xuízo de menor contía que se segue neste xulgado co número 345/1993, se dictou a sentencia, co encabezamento e parte dispositiva que son do teor literal seguinte:
«Sentencia. En Santiago de Compostela o 3 de marzo de 1994, Ángel Pantín Reigada, maxistrado xuíz titular do Xulgado de Primeira Instancia e Instrucción número cinco dos desta cidade, dictou a presente resolución no procedemento civil de menor contía seguido neste xulgado co número 345/1993, no que actuaron como demandante Andrés Míguez Seijo, maior de idade, veciño de Santiago de Compostela, representado polo procurador dos tribunais Narciso Caamaño Queijo e asistido polo letrado Cesáreo Pardal Castro e como demandados Eduardo Nogueira Arenas e María Caeiro Ríos, maiores de idade e veciños de Santiago de Compostela, declarados rebeldes nas actuacións, en reclamación de cantidade.
Resolvo que, estimando a demanda presentada, debo condenar e condeno os demandados a lle aboaren solidariamente ó demandante a cantidade de seis millóns de pesetas máis os xuros legais desde a interposición da demanda, con expresa imposición de custas ós demandados.
Contra esta resolución poderá interpoñerse recurso de apelación para ante a audiencia provincial deste xulgado polo prazo de cinco días desde a notificación.
Así por esta miña sentencia, definitivamente xulgando en primeira instancia, pronúncioo, mándoo e asínoo.
Asinado e rubricado».
E para que conste e lle sirva de notificación ós demandados rebeldes Eduardo Nogueira Arenas e María Caeiro Ríos, expido e asino o presente edicto en Santiago de Compostela o un de marzo de mil novecentos noventa e cinco.
A secretaria
Rubricado