Advertidos erros na citada orde, publicada no DOG nº 50, do 13 de marzo, é necesario face-las seguintes correccións:
-No artigo 1º, parágrafo segundo do apartado referente ó salmón (Salmo salar), onde di: «Chelo (río Mandeo)», debe dicir: «Betanzos (río Mandeo)».
-No anexo I, punto 2, apartado referente ó do Furelos e afluentes, onde di: «Ponte de Castellón», debe dicir: «Ponte de Castrillón».
-No anexo I, punto 2, logo do apartado referente ó río Mero debe incluírse o seguinte texto:
«RÍO DE PRADOS (Afluente do Xubia).
Védanse tódalas especies desde o seu nacemento ata a desembocadura.
RÍO RATEIRA.
Védanse tódalas especies desde o seu nacemento ata a desembocadura».
-No anexo I, punto 2, apartado referente ó río Tines, a totalidade do texto deberá substituírse por: «Desde Ponte Serra ata a desembocadura, incluíndo a zona intermareal, o período hábil será do 1 de maio ó 15 de agosto».
-No anexo I, punto 2, despois do apartado referente ó río Ulla debe incluírse o seguinte texto:
«RÍO VALDESERÍA.
Védanse tódalas especies desde o seu nacemento ata a desembocadura».
-No anexo I, punto 3, parágrafo cuarto, onde di: «ENCORO DE SAN COSMEDE», debe dicir: «ENCORO DE SAN COSMADE».
-No anexo II, punto 2, apartado referente ó río Masma e afluentes, parágrafo sétimo, onde di: «couto de Mondoñedo», debe dicir: «couto de Celeiro». No parágrafo noveno, onde di: «xorra (mereis sp)», debe dicir: «xorra (Nereis sp Comunidad Autónoma de Galicia».
-No anexo II, punto 2, apartado referente ó río Navia e afluentes, parágrafo terceiro, onde di: «Os xoves consideraranse día de veda», debe dicir: «Os xoves non festivos consideraranse días de veda».
-No anexo III, punto 1, despois do terceiro parágrafo deberá incluírse o seguinte texto: «Prohíbese a pesca con saltón e con mosca natural durante o mes de agosto».
-No anexo III, punto 1, logo do sexto parágrafo deberá incluírse o seguinte texto: «No couto de pesca de Allariz a cota de capturas de troita por pescador e xornada será de 6; nos restantes coutos de pesca da provincia esta cota será de 12 troitas».
-No anexo III, punto 2, apartado referente ó río Conso, onde di: «río Cerreira-Conso», debe dicir: «río Cerveira-Conso».
-No anexo III, punto 3, apartado referente ó encoro das Conchas, a totalidade do texto deberá substituírse por: «Límite superior no río Limia: ponte da estrada Bande-Mugueimes. Límite superior no río Cadós: 50 m augas abaixo do límite do couto de Cadós. Límite inferior: presa das Conchas».
-No anexo III, punto 3, apartado referente ó encoro de San Martiño, onde di: «Desde a parte da estrada», debe dicir: «Desde a ponte da estrada».
-No anexo IV, punto 1, apartado referente ó río Ulla e afluentes, parágrafo primeiro, onde di: «en tódolos seus afluentes pontevedreses nun tramo de un quilómetro», debe dicir: «en tódolos seus afluentes nun tramo de un quilómetro». No penúltimo parágrafo deberá ser suprimido o texto «tales como o devón e a culleriña».
-No anexo IV, punto. 1, apartado referente ó río Umia e afluentes, parágrafo terceiro, onde di: «praia fluvial de Lornes (Cuntis)», debe dicir: «praia fluvial de Vilabar (Cuntis)».