Visto o expediente incoado na sección de industria desta delegación provincial por petición de Barras Eléctricas Galaico-Asturianas, S.A. (BEGASA), con domicilio en Lugo, Cidade de Viveiro, 4-1º, no que solicita autorización e declaración de utilidade pública para o establecemento dunha instalación eléctrica de media tensión, e cumpridos os trámites regulamentarios ordenados no capítulo III do Decreto 2617/1966, sobre autorización de instalacións eléctricas, e no capítulo III do regulamento aprobado polo Decreto 2619/1966, sobre expropiación forzosa e sancións en materia de instalacións eléctricas, e conforme o disposto no Real decreto 2634/1980, do 31 de xullo, sobre transferencia de competencia da Administración do Estado á Xunta de Galicia en materia de industria, esta delegación provincial resolveu,

Autorizar a BEGASA a instalación eléctrica que ten como características principais as seguintes:

Liñas de media tensión a 20 kV, orixe da L.M.T. a C.T. Bonxe na L.M.T. Lugo-Rábade; a derivación a C.T. Palloza a derivación a Francos na L.M.T. a C.T. Bonxe, cunha lonxitude de 2.150 e 116 metros e 65 metros respectivamente, apoios de formigón e conductor LA-30. Centros transformación de 50 kVA en Francos, 20.000-10.000, 380/220 V ±5%, torre metálica. Redes de baixa tensión apoios de formigón e conductor R.Z.-25, no concello de Outeiro de Rei.

Declara-la utilidade pública da instalación eléctrica que se autoriza para os efectos sinalados na Lei 10/1966, sobre expropiación forzosa e sancións en materia de instalacións eléctricas, e no seu regulamento de aplicación, do 20 de outubro de 1966.

Esta instalación non poderá entrar en servicio mentres o seu peticionario non conte coa aprobación do proxecto de execución, logo de cumpri-los trámites que se sinalan no capítulo IV do citado Decreto 2617/1966, do 20 de outubro.

Lugo, 30 de decembro de 1994.

Jesús Bendaña Suárez

Delegado provincial de Lugo