Aprobado inicialmente polo Concello Pleno, con data do 14 de febreiro de 1995, o estudio de detalle, para axuste de aliñación interior e ordenación de volume do terreo sito na Avda. de Buenos Aires, número 51, presentado por Vaseta, S.L., redactado polo arquitecto Roberto Lamas Díaz e visado polo COAG con data do 28 de novembro de 1994; sométese a información pública polo prazo de quince días, con anuncios no Diario Oficial de Calicia, BOP, Faro de Vigo e taboleiro de anuncios da casa do concello, con notificación persoal ós propietarios e restantes interesados directamente afectados, especialmente ós propietarios contiguos á parcela.

O devandito acordo sinala como área afectada pola suspensión de licencias de parcelación, edificación e demolición a abranguida polo seu ámbito, cos límites seguintes:

Norte: Travesía de Vigo 261A e 263.

Sur: Buenos Aires, 49 e 51.

Leste: Buenos Aires, 53.

Oeste: Buenos Aires, 47.

O prazo entenderase aberto desde a primeira publicación ata o remate dos quince días, contados desde o día seguinte ó do derradeiro anuncio.

O que se fai público para xeral coñecemento, significando que a documentación se atopa na Oficina Municipal de Información para exame e alegacións.

Vigo, 7 de marzo de 1995.

Carlos A. González Príncipe

Alcalde