A Dirección Xerencia do Complexo Hospitalario Cristal-Piñor, en virtude das atribucións que lle foron delegadas conforme o establecido na orde da Consellería de Sanidade e Servicios Sociais do 15 de setembro de 1994 (DOG nº 191, do 3 de outubro), convoca o seguinte concurso público número 2/1995, polo procedemento de urxencia, para a contratación do servicio de limpeza do Hospital de Piñor, adscrito a este complexo hospitalario.

Obxecto e orzamento: a contratación do servicio de limpeza do Hospital de Piñor, adscrito a este complexo hospitalario. O orzamento global anual da contratación fíxase en 36.000.000 de ptas. (trinta e seis millóns de pesetas), IVE incluído.

Prazo de execución: desde a data da subscrición do contrato ata o 31 de decembro de 1995, podendo prorrogarse, por mutuo acordo das partes, por períodos de tempo anuais, salvo denuncia expresa por calquera das partes con tres meses de antelación á data de vencemento.

Documentos de interese para os licitadores: o prego de cláusulas administrativas particulares e demais documentación complementaria pode ser solicitada na secretaría da Dirección de Xestión e SS.XX. do Complexo Hospitalario Cristal-Piñor, rúa de Ramón Puga, 52, Ourense, en días laborables desde as 9 ata as 14 horas.

Fianza provisional: o 2% do importe, segundo o disposto no artigo 112 da L.C.E. e 340 so seu regulamento.

Fianza definitiva: o 4% do orzamento de licitación.

Clasificación: os licitadores deberán presenta-lo certificado de clasificación como grupo III, subgrupo 6, categoría B.

Presentación de proposicións: as proposicións deberanse presentar en man, en sobres pechados e asinados polo licitador ou persoa que o represente, no rexistro xeral do complexo hospitalario, antes das 13 horas do décimo quinto día hábil contado a partir do seguinte ó da publicación desta resolución no DOG, ou por correo na forma sinalada no artigo 100 do R.X.C.E.

Apertura de proposicións: a apertura de proposicións admitidas será realizada pola Mesa de Contratación, reunida en acto público na sala de xuntas anexa á dirección xerencia do complexo hospitalario ás 10 horas do décimo primeiro día natural contado desde o seguinte a aquel no que remate o prazo

de presentación de ofertas. No caso de que o dito día coincida en sábado ou festivo, a apertura de proposicións terá lugar ó día hábil seguinte.

Documentación que deberán aporta-los licitadores: os licitadores deberán aporta-los documentos sinalados no prego de cláusulas administrativas.

Anuncios: os anuncios do presente concurso público correrán por conta do adxudicatario do contrato.

Ourense, 14 de marzo de 1995.

F. Javier Ayape Amigot

Director xerente do Complexo Hospitalario Cristal-Piñor de Ourense