En execución do Plan de actividades da EGAP para o ano 1995 e do previsto no Decreto 9/1995, do 12 de xaneiro, polo que se declara 1995 Ano de Rafael Dieste González, a EGAP anuncia a celebración dunha xornada de estudio sobre este escritor galego comprometido co seu país, que se celebrará conforme as seguintes bases:
1. Obxectivos.
Con motivo de declara-la Real Academia Galega o Día das Letras Galegas de 1995 dedicado a Rafael Dieste González, a EGAP súmase, como institución pública galega, á homenaxe deste escritor, organizando unha xornada de estudio sobre a súa obra e unha viaxe de interese cultural.
2. Destinatarios.
En cada unha das xornadas poderá participa-lo persoal das administracións públicas e calquera outra persoa interesada. Á viaxe cultural terá acceso o persoal de Administración da Xunta de Galicia (ata 40 persoas), tendo preferencia o que acredite ter asistido á xornada de estudio nunha das localidades nas que se celebren.
3. Desenvolvemento.
3.1. Duración: 2 horas, 30 minutos.
3.2. Lugares, datas, horario.
-Ferrol (Casino. de Ferrol. Real 100): 15 de maio, de 18 a 19.30 horas.
-Pontevedra (Museo Provincial de Pontevedra. Pasantería, 10): 16 de maio, de 20 a 21 horas.
3.3. Prazas: limitadas á capacidade dos locais.
4. Contido.
-1º día: mesa redonda sobre a súa vida e obra.
-Día 17 de maio: viaxe a Rianxo, lugar onde se celebran os actos oficiais organizados. pola Real Academia Galega. Saída da Coruña. (Praza do Obelisco), ás 8 horas e da EGAP ás 10 horas.
5. Inscrición.
-Lugar de presentación de solicitudes: rexistro xeral da EGAP. Polígono das Fontiñas, rúa de Madrid, 2, 4, 15703 Santiago de Compostela.
-Forma de envío: por correo ó enderezo anterior ou por fax ó número (981) 57 15 40.
-Prazo: remata o 28 de abril.
6. Información.
Servicio de Estudios, Investigación e Publicacións. Teléfono (981) 57 08 00.
Santiago de Compostela, 27 de marzo de 1995.
Jaime Rodríguez-Arana Muñoz
Director da Escola Galega de Administración
Pública