Visto o expediente incoado na sección de industria desta delegación provincial por petición de Barras Eléctricas Galaico-Asturianas, S.A., con domicilio en Lugo, Cidade de Viveiro, 4, no que solicita autorización e declaración de utilidade pública para o establecemento dunha instalación eléctrica de media tensión, e cumpridos os trámites regulamentarios ordenados no capítulo III do Decreto 2.617/1966, sobre autorización de instalacións eléctricas, e no capítulo III do regulamento aprobado polo Decreto 2.619/1966, sobre expropiación forzosa e sancións en materia de instalacións eléctricas, e conforme o disposto no Real decreto 2.634/1980, do 31 de xullo, sobre transferencia de competencia da Administración do Estado á Xunta de Galicia en materia de industria, esta delegación provincial resolveu,

Autorizar a Barras Eléctricas Galaico-Asturianas, S.A. a instalación eléctrica que ten como características principais as seguintes:

Liña de media tensión, de 20 kV, con conductor LA-30, apoios de formigón e torres metálicas, orixe na L.M.T. ó C.T. Vilar e. C.T. Pacios na L.M.T. Lugo-Bocamaos; a deriv. a C.T. Distriz e C.T. depuradora na deriv. a C.T. depuradora e final nos centros de Vilar, Pacios, Distriz e depuradora, cunhas lonxitudes de 563; 180, 184 e 10 metros, respectivamente. Centros transformación de 100 kVA ó de Vilar e 50 ós de Pacios, Distriz e depuradora. Redes de baixa tensión, conductores R.Z. 95-50-25 apoios de formigón, para mellora do subministración na parroquia de Meilán, concello de Lugo.

Declarar a utilidade pública da instalación eléctrica que se autoriza para os efectos sinalados na Lei 10/1966, sobre expropiación forzosa e sancións en materia de instalacións eléctricas, e o seu regulamento de aplicación, do 20 de outubro de 1966.

Esta instalación non poderá entrar en servicio mentres o seu peticionario non conte coa aprobación do proxecto de execución, logo de cumpri-los trámites que se sinalan no capítulo IV do citado Decreto 2.617/1966, do 20 de outubro.

Lugo, 7 de febreiro de 1995.

Jesús Bendaña Suárez

Delegado provincial de Lugo