Para os efectos previstos no artigo 9 do Decreto 2.617/1966, e no artigo 10 do Decreto 2.619/1966, ámbolos dous do 20 de outubro, sométese a información pública a petición de autorización e declaración de utilidade pública dunha instalación que ten por características principais as seguintes:

Peticionario: Barras Eléctricas Galaico-Asturianas, S.A. (Begasa), rúa Cidade de Viveiro, 4-1º Lugo.

Finalidade: mellora do servicio eléctrico en Forxán no concello de Foz.

Características principais: rede de baixa tensión con conductor RZ-25, RZ-50 tensado sobre apoios de formigón ou grampados en fachada, que alimentará a Forxán.

Procedencia dos materiais: nacional.

Presuposto: 2.654.706 pesetas.

O que se fai público para que poida ser examinado o proxecto da instalación nesta delegación provincial, r/ Pascual Veiga, 12-14, e formulárenselle as reclamacións, por duplicado, que se consideren oportunas, no prazo de trinta días, contados a partir do seguinte ó da publicación desta resolución.

Lugo, 16 de decembro de 1994.

Jesús Bendaña Suárez

Delegado provincial de Lugo