Por Real decreto do 1 de xuño de 1979, Boletín Oficial del Estado do 9 de xullo de 1979, foi declarado ben de interese cultural con categoría de monumento histórico artístico a igrexa parroquial de Santa María de Ferreira de Pallares, concello de Guntín, Lugo.
Sendo a devandita declaración anterior á entrada en vigor da Lei 16/1985, do 25 de xuño, do patrimonio histórico español, cómpre na actualidade concreta-la delimitación da súa contorna.
En consecuencia, e vistos os informes dos servicios técnicos e órganos consultivos favorables á incoación do expediente para a delimitación da contorna da igrexa parroquial de Santa María de Ferreira de Pallares, concello de Guntín, Lugo, esta dirección xeral
RESOLVE:
Primeiro.-Ter por incoado expediente para delimitación da contorna da igrexa parroquial de Santa María de Pallares, no concello de Guntín, Lugo.
Protexer este monumento e a zona afectada pola incoación, sendo a súa delimitación a seguinte:
«Comeza a liña no punto 1 situado no eixe da estrada que desde Guntín se dirixe a Ferreira de Pallares.
Desde este punto a liña coincide co eixe da pista que sobe ata a estrada que se dirixe ó lugar de Carpaceiro, encontrándose co eixe desta no punto 2.
Desde este punto 2 a liña coincide co eixe desta última estrada ata o punto 3.
A partir desta punto 3, a liño coincide co eixe do camiño que baixa ata o regueiro Sagade, punto 4.
Desde este punto 4 a liña continúa polos límites leste das parcelas catastrais números 80, 78b e 77 ata o punto 5 que se sitúa no eixe da corredoira que baixa cara a Ferreira.
Deste punto 5 a liña continúa polos límites leste das parcelas catastrais números 379, 383, polo límite sur da parcela catastral número 382, punto 6.
Desde aquí a liña continúa cara ó sur coincidindo co límite das parcelas catastrais 588d e 588.1, punto 7.
Desde este punto 7 a liña coincide co eixe do camiño que leva ata a estrada que desde Ferreira se dirixe ó lugar de Matei, punto 8.
Desde este punto 8 situado no eixe desta última carreira, a liña coincide co seu eixe ata o punto 9 no que a estrada se encontra co camiño que baixa ó regueiro Sagade.
Polo eixe deste camiño, desde o punto 9, a liña continúa coincidindo co lindeiro leste e sur das parcelas catastrais números 325c e 389c, 334 e 331 ata o punto 10 que se sitúa no regueiro Sagade.
Desde este punto 10 a liña rodea as parcelas catastrais números 321 e 229 ata o punto 11 que se sitúa no eixe do camiño que sobe caro ó nucleo de Ferreira.
Desde o punto 11 a liña coincide co eixe desta último camiño ata o punto 12 onde se produce unha creba para que a liña continúe coincidindo co lindeiro oeste das parcelas catastrais números 188 e 187 para chegar ó punto I onde se pecha o ámbito da delimitación.»
Segundo.-Segui-la tramitación do expediente segundo as disposicións vixentes.
Terceiro.-Darlle traslado da resolución ó alcalde do concello de Guntín, Lugo, e notificarlle que o outorgamento das novas licencias de obras, e a execución das xa concedidas antes de incoarse o expediente, precisarán resolución favorable da Dirección Xeral do Patrimonio Histórico e Documental.
Cuarto.-Notificarlle a presente resolución ó bispo de Lugo, ó Rexistro de Bens de Interese Cultural do Ministerio de Cultura, e ó Rexistro de Bens de Interese Cultural de Galicia.
Quinto.-Que a presente resolución sexa publicada no Diario Oficial de Galicia e no Boletín Oficial del Estado, abríndose un período de información pública de 10 días hábiles, contados a partir do día seguinte ó da súa publicación no Diario Oficial de Galicia.
Santiago de Compostela, 28 de febreiro de 1995.
Ángel Sicart Giménez
Director xeral do Patrimonio Histórico e
Documental