De conformidade co previsto no art. 123 do R.d. lexislativo 781/1986, do 18 de abril, faise público que o Concello Pleno, en sesión celebrada o día 6 de marzo de 1995, acordou convocar concurso para adxudica-la concesión da explotación da piscina municipal climatizada de Ribadeo coas seguintes características:
-Obxecto da concesión: explotación da piscina climatizada maila cafetería e ximnasio anexos.
-Duración da concesión: 10 anos.
-Fianza provisional: 200.000 ptas.
-Fianza definitiva: 500.000 ptas.
-Subvención máxima: 2.968.213 ptas.
-Presentación de proposicións: realizarase nas oficinas municipais durante o prazo de vinte días hábiles seguintes ó de publicación deste anuncio no BOE; así mesmo, poderán remitilas por correo cos requisitos do art. 100 do RCE.
-Apertura de plicas: realizarase dentro dos dez días seguintes ó do remate do prazo de presentación de proposicións. A data concreta comunicaráselles ós licitadores mediante telegrama ou fax, con dous días de antelación.
-Prego de condicións xurídico-económicas: está a disposición dos interesados na secretaría deste concello, xuntamente co proxecto de explotación e regulamento de réxime interno do servicio, publicado no BOP nº 58, do 11 de marzo de 1995, e poderán consultarse e obterse copias en horarios de oficina, das 9 ás 14 horas.
Ribadeo, 13 de marzo de 1995.
Eduardo Gutiérrez Fernández
Alcalde