Dentro dos programas de actividades que a Aca
demia Galega de Seguridade ten previsto realizar no ano 1995 de forma descentralizada, e conforme as funcións atribuídas pola Lei 4/1992, do 9 de abril, de creación da Academia Galega de Seguridade, anúnciase a celebración dunhas xornadas sobre consumo de alcohol e outras drogas en menores, que deberán desenvolverse conforme as seguintes bases:
Destinatarios
As xornadas van dirixidas ós membros do corpo da policía local dos concellos da comarca do Baixo Miño e concellos limítrofes.
Inscrición
A inscrición dos participantes será totalmente gratuíta.
Prazas
Sen limitación de prazas.
Solicitudes
1.O persoal que desexe participar nestas xornadas deberá presentar, cuberta á máquina ou con letra moi clara, a instancia que figura no anexo, acompañada dunha fotocopia do DNI e do carné profesional.
2. O prazo para a presentación de instancias rematará o día 30 de marzo de 1995.
3. As instancias deberán enviarse á sede da Academia Galega de Seguridade: rúa de Madrid, s/n, polígono das Fontiñas, 15703 Santiago de Compostela.
Contido e duración
As xornadas celebraranse en sesións de mañá e tarde, e nelas trataranse, entre outros, os seguintes temas: a) os mozos diante das drogas: psicoloxía da adolescencia; b) pautas do consumo de drogas e alcohol en menores; e) vellas e novas drogas: as drogas de deseño; d) urxencias por consumo de drogas: pautas de actuación; e) marco xurídico da intervención policial. As drogas e a lei.
Datas
As xornadas celebraranse o día 6 de abril de 1995.
O horario será de 9 a 20 horas.
Relación de admitidos
A relación de admitidos publicarase o día 3 de abril de 1995 no taboleiro de anuncios da Academia Galega de Seguridade, ou ben poden confirma-la súa asistencia chamando ó teléfono (981) 56 34 00.
Lugar
Centro social e cultural da Guarda.
Certificado de participación
Ó remate das xornadas entregaráselles un certificado de asistencia a aquelas persoas que acrediten a súa asistencia continuada a elas.
Modificacións
A Academia Galega de Seguridade poderá modifica-lo desenvolvemento das xornadas para adaptalas ás necesidades da Administración e ás contirixencias que poidan xurdir.
Santiago de Compostela, 9 de marzo de 1995.
Juan José Fariñas-Ferro Rodríguez
Director xeral da Academia Galega de Seguridade