Visto o expediente de revisión salarial do convenio colectivo industrias vinícolas, licoreiras e sidreiras, que tivo entrada nesta delegación provincial da Consellería de Xustiza, Interior e Relacións Laborais, o día 22-2-1995, subscrito en representación da parte económica pola Asociación Provincial de Maioristas e Embotelladores de Viño, e da parte social por U.X.T., CC.OO. o día 10-2-1995, de conformidade co disposto do xa citado corpo legal, art. 90.2 e 3 da Lei 8/1980, do 10 de marzo, do Estatuto dos traballadores, Real decreto 1.040/1981, do 22 de maio, sobre Rexistro e Depósito de Convenios Colectivos de Traballo e Real decreto 2.412/1982,
do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial
ACORDA:
Primeiro.-Ordena-la súa inscrición no Libro de Rexistro de Convenios Colectivos de Traballo, obrante nesta delegación provincial, e notificación ás representacións económica e social da Comisión Negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación (S.M.A.C)
Terceiro.-Dispoñe-la súa publicación no Diario Oficial de Galicia.
A Coruña, 27 de febreiro de 1995.
Fernando Rodríguez Corcoba
Delegado provincial da Coruña