En cumprimento do disposto nos artigos 52 da Lei de expropiación forzosa, do 16 de decembro de

1954, e 31 do Regulamento da Lei 10/1966, do 18 de marzo, sobre expropiación forzosa e sancións en materia de instalacións eléctricas, aprobado polo Decreto 2.619/1966, do 20 de outubro, e declarada polo Decreto 312/1994 (Diario Oficial de Galicia nº 206, do 25 de outubro de 1994) a urxente ocupación dos bens e dereitos afectados, indicados na relación que se publicou no Boletín Oficial da provincia de Lugo do 11-11-86 faise saber a tódolos afectados, pola execución dos proxectos que a seguir se indican, propiedade da empresa Barras Eléctricas Galaico-Asturianas, S.A., con domicilio en Lugo, Cidade de Viveiro, 4.

-Liñas eléctricas aéreas 20 kV ás C.T. Armada e C.T. de Relleira; rede de baixa tensión de Relleira, ramais cara a Abidueira e Astante; R.B.T. de Goibetas e Carracedo, todas no concello de Muras, expediente 2.044 A.T.

Que o representante da Administración dará comezo sobre o terreo o levantamento das actas previas a ocupación das fincas contidas nas relacións publicadas no Boletín Oficial da provincia de Lugo do 11-11-86 e expostas nos taboleiros oficiais das casas do concello e no desta delegación provincial, sita en Lugo, rúa Pascual Veiga, 12-14.

Advírtese os interesados afectados, que serán ademais notificados individualmente señalándolles día e hora para o levantamento das actas que poderán formular alegacións por escrito ante esta delegación ata o momento de levanta-las mesmas, para os únicos efectos de rectificar posibles erros na relación dos bens afectados.

Lugo, 25 de outubro de 1994.

Jesús Bendaña Suárez

Delegado provincial de Lugo