A formación de especialistas no campo da investigación mariña e os cultivos é unha necesidade que se manifesta neste momento de forma máis aguda no campo de cadros de persoal intermedio, polo que é a este punto onde se deben dirixir de forma preferente as actuacións de formación de persoal.

Polo exposto, esta consellería

DISPÓN:

Artigo 1º.-Con cargo á aplicación orzamentaria 012.004.432.C.480.00, convócanse oito (8) bolsas de especialización de técnicos especialistas en formación profesional de 2º grao que se realizarán nos centros dependentes da Consellería de Pesca, Marisqueo e Acuicultura.

A concesión destas axudas rexerase polas bases do anexo a esta orde.

Artigo 2º.-O importe global máximo que alcanzará a axuda é de oito millóns trescentas cincuenta e dúas mil pesetas (8.352.000 ptas.), das que serán deducidas as correspondentes retencións fiscais.

Disposicións derradeiras

Primeira.-Facúltase a directora xeral de Formación Pesqueira e Investigación para dicta-las normas necesarias para o desenvolvemento e execución desta orde.

Segunda.-Esta orde entrará en vigor o día seguinte ó da súa publicación no Diario Oficial de Galicia.

Santiago de Compostela, 24 de xaneiro de 1995.

Juan Caamaño Cebreiro

Conselleiro de Pesca, Marisqueo e Acuicultura

ANEXO 1

Bases

Primeira.-Obxecto e dotación.

O obxecto da presente convocatoria é a concesión de oito (8) bolsas ou axudas económicas de un ano de duración, prorrogable por outro, para completa-la formación de técnicos especialistas de formación profesional de 2º grao, daquelas ramas que na súa área tecnolóxica-práctica tivesen prácticas de laboratorio relacionadas con temas mariños, de acuicultura, laboratorio ou análise.

A contía das bolsas será de un millón corenta e catro mil pesetas (1.044.000 ptas.), aboables en doce mensualidades de oitenta e sete mil pesetas (87.000 ptas.) cada unha, na que se aplicará a correspondente retención fiscal.

Segunda.-Carácter da bolsa.

Dado o seu carácter formativo e de especialización, a concesión destas bolsas non implica relación laboral ou administrativa entre o beneficiario e a Consellería de Pesca, Marisqueo e Acuicultura, aínda que si a necesaria e natural coordinación co horario, normas e disciplina do departamento ou centro de investigación onde realiza a súa formación; nin dará lugar á súa inclusión na Seguridade Social, se ben quedará incluído nunha póliza colectiva de seguro de accidentes durante o período desta concesión.

O bolseiro deberá dedicarse de maneira plena a

cumpri-las tarefas que lle sexan encomendadas. É incompatible o desfrute da bolsa coa percepción doutras remuneracións, bolsas ou axudas.

Terceira.-Condicións xerais.

Para optar a esta bolsa é necesario:

a) Ser galego maior de idade, a teor do artigo 3 do Estatuto de autonomía de Galicia.

b) Posuí-la titulación requirida na data da solicitude.

Cuarta.-Centros de realización.

As bolsas serán de realización nos centros seguintes:

-Centro de Cultivos Mariños-Peirao de Porcillán, s/n, Ribadeo (Lugo). 1 bolsa.

-Centro de investigacións mariñas-Pedras de Corón, Vilanova de Arousa, Pontevedra. 7 bolsas.

Os bolseiros están obrigados a incorporarse ós centros de realización na data que se lles indique no documento de aceptación da bolsa.

Quinta.-Documentación e trámites.

1.-A solicitude destas bolsas farase mediante escrito dirixido ó conselleiro de Pesca, Marisqueo e Acuicultura, segundo modelo normalizado do anexo II, xunto cos seguintes documentos:

a) Fotocopia do documento nacional de identidade.

b) Currículum vitae do solicitante, cos documentos acreditativos dos méritos alegados.

c) Certificación académica completa e fotocopia do título correspondente, ou, no seu defecto, xustificación do pagamento dos dereitos de expedición.

d) Outros datos que se poidan xustificar documentalmente e que o solicitante considere de interese en relación coa bolsa.

2.-A presentación das solicitudes farase no Rexistro Xeral da Consellería de Pesca, Marisqueo e Acuicultura (edificios administrativos de San Caetano, Santiago de Compostela), ou ben por calquera das formas previstas no artigo 38.4º da Lei de réxime xurídico das administracións públicas e do procedemento administrativo común.

3.-O prazo de presentación rematará ós 15 días hábiles da publicación da presente orde no Diario Oficial de Galicia.

4.-A Dirección Xeral de Formación Pesqueira e Investigación comprobará que tódalas solicitudes reúnen os requisitos establecidos na presente orde e publicará unha resolución no Diario Oficial de Galicia coa lista de admitidos e excluídos, indicando, se é o caso, as causas de exclusión. Contra a dita resolución poderán os interesados formular reclamación, para emendar erros e faltas de documentos, ante a Dirección Xeral de Formación Pesqueira e

Investigación, no prazo de 10 días, a partir da publicación da resolución, aportando, se é o caso, a documentación necesaria. Transcorrido este prazo sen que se corrixan as causas de exclusión procederase ó arquivo do expediente sen máis trámites.

Sexta.-Outorgamento da bolsa.

1.-As bolsas serán adxudicadas polo conselleiro de Pesca, Marisqueo e Acuicultura, por proposta da comisión de selección.

2.-A comisión de selección estará presidida e, será nomeada pola directora xeral de Formación Pesqueira e Investigación, e a súa composición farase pública no taboleiro de anuncios da Consellería de Pesca, Marisqueo e Acuicultura.

3.-Na fase de selección teranse en conta os seguintes criterios de valoración:

-Expediente académico: valorarase a nota media correspondente ós cursos de formación profesional de 2º grao: máximo de 6 puntos.

-Proximidade temporal á obtención do título profesional: máximo 1 punto.

-Outros méritos: (coñecementos de inglés, práctica en empresas, traballos relacionados con laboratorios, cursos, etc...): máximo 3 puntos.

Só se valorarán os méritos acreditados documentalmente.

Tendo en conta o espírito de formación destas bolsas, non se lles adxudicarán estas a aqueles candidatos que aínda tendo boa puntuación (segundo baremo) a comisión considera que xa están formados, ben porque desfrutasen dunha bolsa de características similares, ou, por teren experiencia profesional.

4.-Efectuada a selección pola comisión de selección, a Dirección Xeral de Formación Pesqueira e Investigación fará pública a relación provisional de beneficiarios seleccionados mediante anuncio publicado no Diario Oficial de Galicia. Contra esta resolución poderase formular reclamación no prazo de 10 días. Transcorrido o dito prazo a comisión procederá a estudia-las reelamacións presentadas e elevará a proposta definitiva ó conselleiro para que resolva.

5.-A resolución da convocatoria farase por orde da Consellería de Pesca, Marisqueo e Acuicultura que se publicará no Diario Oficial de Galicia, e porá fin á vía administrativa, segundo o disposto no artigo 109.c. da Lei 30/1992.

6.-Se transcorridos 10 días desde a publicación da resolución de adxudicación no Diario Oficial de Galicia, os bolseiros non formalizan a inscrición, perderán a bolsa e procederase a cubri-las vacantes cos suplentes nomeados.

7.-As solicitudes entenderanse desestimadas se nun prazo de tres meses a partir do remate do prazo de presentación de solicitudes non se dictou resolución.

Sétima.-Pagamento e efectividade.

1. Incorporado ó lugar de realización da bolsa, e logo de notificación da incorporación polo responsable do proxecto ó que se incorpore o bolseiro, procederase ó pagamento da cantidade mensual fixada na base número un, con efecto a mes vencido.

A ausencia inxustificada á realización dos traballos, así como o baixo interese ou rendemento, serán causa de perda da bolsa.

2. a) A Dirección Xeral de Formación Pesqueira e Investigación poderá en calquera momento da realización da bolsa solicitarlle ó bolseiro un informe sobre as súas actividades.

b) Antes do pagamento da última mensualidade, o bolseiro fará entrega dun informe por escrito sobre os traballos desenvolvidos no período de formación, ó que se xuntará informe do director do proxecto. O incumprimento deste requisito dará lugar á perda desta mensualidade.

Oitava.-Renuncia á bolsa concedida.

No caso de renuncia á bolsa concedida, o bolseiro presentará a correspondente solicitude fundamentada, podéndose cubri-la vacante producida polo período de desfrute restante co candidato suplente nomeado.

Novena.-Condicións da prórroga.

Transcorrido un ano e logo do informe favorable da Dirección Xeral de Formación Pesqueira e Investigación, e sempre que exista partida orzamentaria, a Consellería de Pesca, Marisqueo e Acuicultura, por solicitude do bolseiro, poderá acorda-la prórroga por un ano da bolsa que tiña concedida, nas mesmas condicións nas que se concedeu a orixinaria.