Visto o expediente incoado nesta delegación provincial por instancia de Unión Fenosa, S.A., con domicilio na Coruña, no que solicita autorización para instalar unha ampliación subestación Pontesampaio, con módulo de liña a 66 kV, denominada Ponte-Caldelas 1, que na súa instalación exterior consta de interruptor Isodel de 72,5 kV e intensidade de 2.000 A, seccionador de liña e seccionador de barras para 72,5 kV, transformadores de medida, soportes e proteccións correspondentes en Pontesampaio, concello de Pontevedra, e cumpridos os trámites de información pública que determina o artigo 9 do Decreto 2.617/1966, do 20 de outubro, sen que se presentase oposición nin obxección ningunha á citada solicitude.

O delegado provincial, de conformidade co Decreto 1.634/1980, artigo, 14, e co 2.617/1966, artigo 11, así como coas demais disposicións vixentes, resolveu:

Autorizar a Unión Fenosa, S.A. a instalación dunha ampliación subestación Pontesampaio cun novo módulo de liña en Pontesampaio, concello de Pontevedra.

Esta autorización non supón a aprobación do proxecto.

Pontevedra, 17 de febreiro de 1995.

Ramón Álvarez Abad

Delegado provincial de Pontevedra