A Consellería de Economía e Facenda anuncia a contratación directa para a subministración e instalación dunha rede local nas dependencias das intervencións delegadas da Consellería de Economía e Facenda. As características básicas da contratación son as seguintes:
Entidade adxudicataria.-Xunta de Galicia, Consellería de Economía e Facenda, Secretaría Xeral e do Patrimonio. San Caetano, 15704 Santiago de Compostela. Te1f. 54 41 34.
Modalidade.-Contratación directa.
Obxecto.-Subministración e instalación dunha rede local nas dependencias das intervencións delegadas da Consellería de Economía e Facenda.
Prazo de execución.-Dous meses a partir da sinatura do contrato.
Orzamento máximo.-Tres millóns cen mil pesetas (3.100.000 ptas.) IVE incluído.
Forma de pagamento.-Por transferencia bancaria, con facturación previa da subministración e instalación antes mencionadas.
Documentación de interese para os licitadores.-Estará ó dispor dos licitadores durante o prazo de presentación de proposicións, desde as 9 ás 14 horas, no rexistro xeral da Consellería de Economía e Facenda (Edificio administrativo de San Caetano en Santiago de Compostela).
Presentación de proposicións.-As proposicións elaboraranse segundo o modelo que figura no prego de cláusulas administrativas particulares e deberán presentarse en man no rexistro xeral da Consellería
de Economía e Facenda, ou por correo na forma establecida no artigo 100 do Regulamento xeral de contratación do Estado, antes das 14 horas do décimo día hábil seguinte ó da publicación do anuncio da contratación directa no Diario Oficial de Galicia.
Documentación que teñan que presenta-los licitadores.-A esixida no prego de cláusulas administrativas particulares.
Apertura de proposicións.-A comisión de contratación procederá á apertura das proposicións económicas o día seguinte ó do remate de presentación de proposicións, ás 11 horas, nas dependencias da Consellería de Economía e Facenda en Santiago de Compostela.
O importe do anuncio de licitación correrá a cargo do adxudicatario.
Santiago de Compostela, 3 de marzo de 1995.
Emilio Álvarez Rey
Secretario xeral e do Patrimonio da Consellería de
Economía e Facenda