Rosa del Carmen Collazo Lugo, maxistrada do Xulgado de Primeira Instancia número catro de Santiago de Compostela e o seu partido xudicial,
Fai saber que neste xulgado do meu cargo se seguen autos de xuízo declarativo ordinario de menor contía co número 423/1990 por instancia de José Míguez Vilaboa representado pola procuradora Sánchez Silva, contra outro e Fernando Queimadelos Martín-Lanuza sobre reclamación de cantidade, dictándose con data 21 de novembro último pasado, sentencia, da que o encabezamento e sentencia literalmente din:
«Sentencia. En Santiago de Compostela, vinteún de novembro de mil novecentos noventa e catro.
Vistos por Rosa del Carmen Collazo Lugo, maxistrada do Xulgado de Primeira Instancia número catro dos do partido, os presentes autos de xuízo declarativo de menor contía nº 423/1990, sobre reclamación de cantidade, promovido pola procuradora Sánchez Silva, en nome e representación de José Míguez Vilaboa, demandante-reconvido, maior de idade, baixo a dirección letrada de Alberto Torreiro Santiso, sendo parte demandada-reconviniente Basilio Rodríguez Tilve, maior de idade, baixo a representación procesual da procuradora Regueiro Muñoz, e a defensa letrada de Emilio Carrujo Lorenzo, demandado así mesmo Fernando Queimadelos Martín-Lanuza, maior de idade, declarado en rebeldía.
Decido: que estimando a demanda principal interposta por José Míguez Vilaboa, contra Fernando Queimadelos Martín-Lanuza e Basilio Rodríguez Tilve, condenar e condeno a estas a aboar ó actor a cantidade de 4.345.080 ptas. máis o xuro legal desde a data desta sentencia, sen expreso pronunciamento sobre as custas ó estimar ámbalas demandas.
Así mesmo debo estimar e estimo a demanda de reconvención deducida por Basilio Rodríguez Tilve, contra José Míguez Vilaboa, e en consecuencia condenar a este a aboar ó reconviniente a cantidade de 320.000 ptas. sen condena en custas a ningunha das partes.
Así por esta miña sentencia, pronúncioo, mándoo e asínoo. Segue a sinatura da maxistrada.»
E, para que o acordado se cumpra e para publicar no taboleiro de anuncios deste xulgado e no DOG para que sirva de notificación en forma ó codemandado rebelde, expido o presente edicto, que é dado en Santiago de Compostela, vinteún de xaneiro de mil novecentos noventa e cinco.
A maxistrada
Rubricado
O secretario
Rubricado