En virtude de resolución do maxistrado-xuíz de primeira instancia dictada no día de hoxe en expediente de xurisdicción voluntaria de dominio seguido neste xulgado co número 19 de 1995, promovido por Marcelino Pedreira Castro, sobre reanudación do tracto sucesivo interrompido do predio: casa sinalada co número sesenta e catro da rúa do Vilar, nesta cidade de Santiago de Compostela, composta de soto con acceso pola rúa do Franco, e baixo, con dúas plantas e soto con acceso pola rúa do Vilar. Mide quince metros de fondo, cinco metros de largo na fachada principal e dous metros na posterior, ou sexa, cun soar duns cincuenta e dous metros e cincuenta decímetros cadrados, con inclusión do espesor dos seus muros laterais. Estremas: pola súa fronte, leste, a rúa do Vilar; á dereita, entrando, norte, a casa número sesenta e dous da mesma rúa, de herdeiros de José Sinde Regueira; á esquerda, sur, casa número sesenta e seis da mesma pertenza; e ás costas, oeste, a rúa do Franco. Cítase ós

habentes causa daqueles dos que procedan os bens, ás persoas ignoradas ás que poida prexudica-la inscrición solicitada, así como ós herdeiros descoñecidos da titular rexistral Adelaida Suso Elizonzo, con domicilio descoñecido, co fin de que no prazo de dez días a partir da publicación do presente edicto, poidan comparecer perante este xulgado para alega-lo que ó seu dereito conveña.

Dado en Santiago de Compostela o trece de febreiro de mil novecentos noventa e cinco.

O secretario xudicial

Rubricado