Dentro das actividades da Escola Galega de Administración Pública para 1995, figura a realización dun seminario sobre prevención, defensa e extinción de incendios forestais.
1.-Obxecto.
Os días 23 e 24 de maio de 1995 terá lugar no salón de actos da EGAP, un seminario sobre prevención, defensa e extinción de incendios forestais.
O obxectivo deste seminario e a posta ó día dos coñecementos sobre prevención, defensa e extinción de incendios forestais, servíndose das novas técnicas desenvolvidas, tanto a nivel nacional coma internacional.
2.-Destinatarios.
Persoal ó servicio da Administración pública galega, relacionado coa prevención, defensa e extinción de incendios forestais e interesados en xeral.
3.-Desenvolvemento e duración.
O seminario abrirase o martes, día 23 de maio, ás 16.30 horas, e rematará ás 18.30 horas da tarde, do día 24 de maio de 1995.
4.-Inscrición.
-Prazo: remata o martes, dia 18 de maio de 1995.
-Lugar de presentación: no Rexistro Xeral da EGAP (polígono das Fontiñas, rúa de Madrid, 2-4,15703 Santiago de Compostela). Telf. 57 08 00. Telelex nº 57 15 40.
-Forma: as solicitudes de inscrición faranse por escrito, no modelo oficial que figura ó final destas bases. Serán rexeitadas todas aquelas peticións que non reúnan o dito requisito.
As peticións de admisión poderanse enviar por correo ordinario ou por telefax ó número consignado.
-Inscrición fóra de prazo: só se admitirán de quedaren prazas baldeiras, coa condición de que se cumpran os requisitos xerais antes indicados.
A partir do 19 de maio, os peticionarios poderán obter confirmación da súa posible admisión, chamando por teléfono en días laborables, de 11.30 a 14.45 horas, ó seguinte número: 981-57 08 00 (ext. 229), ou ben consultando a lista de admitidos que se expoñerá no taboleiro de anuncios da EGAP 24 horas despois do remate do prazo de presentación de solicitudes.
5.-Certificación de asistencia.
Entregaráselles ó remate deste seminario a aqueles asistentes que concorresen asiduamente a él e expresarase neste documento a natureza da actividade e as datas da súa realización.
Santiago de Compostela, 27 de febreiro de 1995.
Jaime Rodríguez-Arana Muñoz
Director da Escola Galega de Administración
Pública