Para os efectos previdos no artigo 9 do Decreto 2.617/1966, do 20 de outubro, sométese a información pública a petición de instalación dun centro de distribución e transformación que ten as seguintes características especiais:
Peticionario: Sestelo y Cía, S.A.
Lugar no que se vai establece-la instalación: en Meirol, concello de Mondariz.
Finalidade da instalación: mellora-la subministración eléctrica na zona.
Características principais: centro de distribución e transformación a 20/15 kV, de 1.500 kVA.
Orzamento: 3.408.963 ptas.
O que se fai público para que poida ser examinado o proxecto da instalación nestas oficinas, sitas na Rúa Nova de Abaixo 2, e formularse contra el as reclamacións, por duplicado, que se consideren oportunas, no prazo de trinta días contados a partir do seguinte ó da publicación desta resolución.
Pontevedra, 13 de febreiro de 1995.
Ramón Álvarez Abad
Delegado provincial de Pontevedra