Vistos os expedientes incoados pola empresa Unión Eléctrica-Fenosa S.A., con enderezo na r/ Severo Ochoa, nº 2, 15008 A Coruña, para a autorización administrativa e aprobación do proxecto de execución da instalación que segue:
Liñas elétricas de media tensión, a 20/24 kV, baixo tubo e con conductor R.H.V. 12/20 kV, de 3(1x240) mm Al as subterráneas e LA-110 as aéreas:
-Subterránea, de 525 m de lonxitude, en dobre circuíto, con orixe na subestación de Porto do Son e remate no apoio existente liña Porto do Son-Noia (expediente 24.737).
-Subterránea, de 185 m de lonxitude, con orixe na subestación de Porto do Son e remate no apoio nº 1 da seguinte liña:
-Aérea, de 628 m con orixe na subterránea citada inmediatamente antes, sobre apoios de formigón e metálicos e remate na liña Boiro-Porto do Son (expediente 33.987). Porto do Son.
Cumpridos os trámites ordenados nos capítulos III e IV do Decreto 2.617/1966, do 20 de outubro, sobre autorización de instalacións eléctricas, esta delegación provincial resolveu:
Autorizar e aproba-lo proxecto de execución das devanditas instalacións, nas que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismo ou corporacións que constan nos expedientes.
A Coruña, 19 de xaneiro de 1995.
Juan I. Lizaur Otero
Delegado provincial da Coruña