Visto o expediente incoado nesta delegación provincial por instancia de Unión Eléctrica-Fenosa, S.A., con domicilio en Ourense, en solicitude de autorización para instalar R.B.T. en Madelos, Lea, no concello de Friol, e cumpridos os trámites de información pública que determina o artigo 9 do Decreto 2.617/1966, do 20 de outubro, sen que se presentase oposición nin obxección ningunha á citada solicitude.

O delegado provincial, de conformidade co Decreto 1.634/1980, artigo 14, e co 2.617/1966, artigo 11, así como coas demais disposicións vixentes, resolveu:

Autorizar a Unión Eléctrica-Fenosa, S.A. a instalación de redes de baixa tensión, 380/220 V, cunha lonxitude de 4.906 metros, con conductores RZ-95-50-25 mm Al, con apoios de formigón no concello de Friol.

Esta autorización non supón a aprobación do proxecto.

Lugo, 6 de febreiro de 1995.

Jesús Bendaña Suárez

Delegado provincial de Lugo