Aprobados polo Pleno do Concello, na súa sesión do 24 de xaneiro pasado, o expediente de contra
tación, prego de condicións económico-administrativas, para a contratación da obra de ampliación do cemiterio municipal polo procedemento de concurso, faise público para os efectos de presentárense as proposicións durante o prazo de 20 días hábiles a partir da publicación do último anuncio.
Orzamento máximo: 101.113.384 ptas.
Prazo de execución: 6 meses.
As proposicións para tomar parte na contrata presentaranse en sobre pechado, que poderá estar lacrado e precintado, e que levará a seguinte inscrición: «Proposición para tomar parte na contratación da obra de ampliación do cemiterio municipal». A súa entrega farase directamente nas oficinas deste concello, de 9 a 13 horas, téndose que axustar ó seguinte modelo:
Don/dona..., con domicilio en..., e con DNI nº..., expedido o... en plena posesión da súa capacidade xurídica e de obrar, en nome propio (ou en representación de...), toma parte na contratación das obras anunciadas no diario... de data..., para o que fai constar:
1.-Ofrece o prezo de... ptas., o que supón unha baixa de... ptas. con respecto ó tipo de licitación.
2.-Declara baixo a súa responsabilidade que non está incurso en ningunha das causas de incapacidade ou incompatibilidade previstas nos artigos 9 da Lei de contratos do Estado e 23 do Regulamento da dita lei, así como atoparse ó día no cumprimento das obrigas tributarias e de Seguridade Social impostas pola lexislación vixente.
3.-Posúe o documento de cualificación empresarial, expedido o día...
4.-Acepta expresamente o proxecto (ou os documentos que o substitúan e mailo prego de condicións económico-administrativas).
Moaña, ... de... de 199...
O/A licitador/a
(Sinatura)
As proposicións virán obrigatoriamente acompañadas da seguinte documentación:
-Fotocopia do DNI do que presenta a oferta.
-Poder bastante e escritura de constitución da sociedade (persoas xurídicas).
-Resgardo acreditativo de ter constituída a garantía provisional, por importe do 2% do prezo de licitación.
-Memoria asinada polo propoñente que comprenda na súa relación as referencias técnicas, solvencia económica, referencias profesionais no correspondente á súa organización profesional. Os medios técnicos, materiais e persoais para a execución da obra cos pertinentes documentos acreditativos das devanditas referencias; tamén poden suxeri-las modificacións que, sen menoscabo do establecido no prego de condicións, poidan convir á mellor realización do contrato.
O proxecto correspondente pode ser examinado na secretaría do Concello.
-A apertura de plicas celebrarase na Casa do Con
cello de Moaña ás 13 horas do día hábil seguinte ó do remate do prazo de presentación de proposicións.
-A corporación reservará para si o dereito de declarar deserto o concurso, segundo o criterio de apreciación libre e discrecional se ningunha das proposicións presentadas resultase conveniente ós fins que se pretenden.
-Antes de formalizarse o contrato o adxudicatario deberá presenta-los seguintes documentos:
1.-Documentación acreditativa de que o licitador está ó día das obrigas tributarias, que segundo sinala no artigo 2º do Rd. 1.462/1985, do 3 de xullo, son:
1.1.-Estar dado de alta na licencia fiscal.
1.2.-Ter presentado as declaracións ou documentos de ingreso do imposto sobre as rendas das persoas físicas, do imposto sobre sociedades, dos pagamentos a conta ou fraccionado ou das retencións a conta de ambos e do imposto sobre o valor engadido.
1.3.-Ter presentado a declaración anual de empresarios ou profesionais sobre as súas operacións con terceiras persoas, a que se refire o R d. 2.529/1986, do 5 de decembro.
2.-Certificación expedida polo tesoureiro da Seguridade Social, acreditativa de atoparse ó día no pagamento das cotas e ter dados de alta ós traballadores ó seu servicio.
3.-Se os ofertantes foran sociedades ou empresas, certifcación expedida polo seu representante competente, acreditativa de que non forman parte dos seus órganos de goberno ou administración persoa ningunha a que se refire a Lei 25/1983, do 26 de decembro, reguladora das incompatibilidades de altos cargos.
Se o contratista non presentase a documentación ou non atendese ós requirimentos para a sinatura do contrato antes establecido ou impedise que se formalice no prazo sinalado, a adxudicación quedará sen efecto de pleno dereito, con perda da garantía provisional ou definitiva e demais consecuencias sinaladas no artigo 97 do Regulamento de contratación das corporacións locais.
-A formalización do contrato farase, en todo caso, dentro dos 30 días hábiles seguintes á data da súa adxudicación definitiva, en documento administrativo ou notarial e despois de que o adxudicatario constitúa a fianza definitiva (4%).
-As obras executaranse con estricta suxeición ás cláusulas estipuladas no contrato e o proxecto que servía de base a este, e de acordo coas instruccións que, interpretando o proxecto, lle dea o contratista ou facultativo da administración, sendo estas sempre por escrito e de obrigado cumprimento para o contratista.
-A modificación do contrato formalizarase en documento administrativo.
-O contrato executarase a risco e ventura do contratista e non será aplicable a revisión de prezos.
Moaña, 30 de xaneiro de 1995.
Cándido Pena Viéitez
Alcalde