I.-Obxecto: será a contratación mediante concurso da elaboración de proxectos-programas e seu desenvolvemento e execución, para promover accións e actividades de índole cultural, formativa ou recreativa en relación coa ocupación do lecer e tempo libre entre a poboación xuvenil.

II.-Duración do contrato: desde a data de notificación do acordo de adxudicación ata o 31 de decembro de 1995.

III.-Prezo de adxudicación: o prezo máximo de licitación para a totalidade dos proxectos-programas será de 45.000.000 de ptas.

IV.-Fianzas: a fianza definitiva constituirase o adxudicatario polo importe do catro por cento da adxudicación de cada programa.

V.-Prego de condicións e prazo de presentación de proposicións: as proposicións presentaranse no Rexistro Xeral do Concello, das 9 ás 12 horas, dentro dos vinte (20) días hábiles seguintes a aquel no que se publique o derradeiro anuncio no Boletín Oficial del Estado, Boletín Oficial da provincia ou Diario Oficial de Galicia.

Durante os oito primeiros días do anuncio no Boletín Oficial da provincia poderanse presentar reclamacións contra o prego de condicións, de conformidade e cos efectos previstos no art. 122 do Real decreto lexislativo 781/1986, do 18 de abril.

VI.-Apertura de plicas: a apertura de plicas ou proposicións presentadas verificarase ás doce horas. do día seguinte hábil a aquel no que finalice o prazo de presentación de proposicións, na casa do Concello.

VII.-Modelo de proposición:

D./Dª..., con enderezo en..., con NIF..., en nome propio (ou en representación de ... ), ten coñecemento da convocatoria e prego de cláusulas administrativas para a elaboración e desenvolvemento de proxectos de formación e ocupación do lecer e tempo libre da xuventude, tomo parte no concurso e tal efecto:

1) Comprométome a desenvolver e executa-los seguintes proxectos-programas:

a) Proxecto-programas de... (consignarase a denominación entre os temas referidos na cláusula I apartado 2 e utilizando a terminoloxía indicada para cada un).

b) Número de persoas que integran o equipo encargado do desenvolvemento e execución do programa...

c) Número de participantes que prevé o proxecto dentro do mínimo e máximo previsto no prego.

d) A duración do proxecto será de... días, comezando... e rematando..., no lugar...

e) O orzamento total do proxecto é de... ptas., incluíndo a totalidade dos custos e gastos a que se fai referencia no prego.

(Para o suposto de tomar parte en máis dun programa-proxecto, deberán consignarse as mesmas especificacións anteriores).

f) A publicidade dos programas-proxectos queda reservada ó Concello de Vigo.

2) Xunto á proposta o/os proxectos-programas que propoño e a totalidade dos demais documentos esixidos no prego de cláusulas.

Lugar, data e sinatura do/a licitador/a.

Vigo, 17 de febreiro de 1995.

Carlos A. González Príncipe

Alcalde