O Pleno da Sala de Goberno do Tribunal Superior de Xustiza de Galicia, na súa reunión do día 30 de xaneiro de 1995, acordou nomear -por un período de catro anos- a Jesús Martín Hernández e José Pena Sánchez xuíz de paz titular e substituto, respectivamente, do Concello de Silleda (Pontevedra), desta Comunidade Autónoma, nomeamento que se fai entre os participantes no concurso, que para cubri-las ditas prazas convocou a Sala de Goberno ultimamente, tendo en conta que o referido concello, no seu día, non elixiu persoa ningunha para o desempeño do dito cargo.

Contra este acordo poderán os interesados presentar recurso de alzada dentro dos 15 días seguintes

á publicación deste edicto para ante o Consello Xeral do Poder Xudicial.

Os xuíces de paz nomeados deberán prestar xuramento ou promesa na forma que establece o artigo 101.5 da Lei orgánica do poder xudicial perante o xuíz de primeira instancia e instrucción respectivo no prazo de 10 días a partir do seguinte ó da súa publicación no Diario Oficial de Galicia e, posteriormente, no prazo de tres días tomarán posesión no xulgado de paz para o que sexan nomeados perante quen se achar exercendo a xurisdicción.

Aqueles xuíces de paz nomeados que estean incursos nalgunha incompatibilidade deberán optar dentro do prazo de oito días pola praza que lles interese.

A Coruña, trinta de xaneiro de mil novecentos noventa e cinco.

Vicente Fernández Riera

Secretario da Sala de Goberno do TSXG