Esta consellería, unha vez cumpridos os trámites administrativos correspondentes, resolveu anunciar, polo sistema de concurso de procedemento aberto da obra que se cita:
-Centro de ensino secundario en Porto do Son. A Coruña.
-Orzamento de licitación: 348.065.242 ptas. (trescentos corenta e oito millóns sesenta e cinco mil duascentas corenta e dúas pesetas).
-Prazo de execución: 10 meses.
Clasificación requirida: grupo «C», categoría «F».
Exposición de proxectos.-Os proxectos e o prego de cláusulas administrativas particulares estarán de manifesto na Subdirección Xeral de Construccións, Equipamento e Servicios Educativos, Secretaría Xeral desta consellería, edificio administrativo 2, San Caetano, Santiago de Compostela, durante o prazo de presentación de proposicións das dez ás catorce horas. Os pregos de cláusulas administrativas particulares tamén se poderán examinar nas delegacións provinciais de Educación.
Prazo de presentación de proposicións.-Comezará o día seguinte ó da data de publicación da presente
resolución no BOE e rematará o día 20 de marzo de 1995 ás 14 horas.
Lugar de presentación de solicitudes.-No rexistro xeral desta consellería, edificio administrativo 2, San Caetano, Santiago de Compostela. En canto ás proposicións por correo, ateranse ó disposto na cláusula 8.1 do prego das administrativas particulares.
Documentación que presentarán os licitadores.-A especificada nas cláusulas 8.2, 8.3, 8.4 e 8.5 do prego das administrativas particulares.
Exame da documentación.-A mesa de contratación cualificará as documentacións presentadas e publicará a continuación, no taboleiro de anuncios desta consellería, o resultado da devandita cualificación, co fin de que se reparen, dentro do prazo que se indique, os defectos materiais observados na documentación.
Apertura de proposicións.-Será realizada pola mesa de contratación ás 12 horas do día 28 de marzo de 1995, na sala de xuntas desta consellería.
O importe deste anuncio correrá a cargo da empresa adxudicataria.
Santiago de Compostela, 16 de febreiro de 1995.
Juan J. Bértolo Cadenas
Secretario xeral da Consellería de Educación e
Ordenación Universitaria