Vistos os expedientes incoados pola empresa Unión Eléctrica-Fenosa, S.A., con enderezo na r/ Severo Ochoa nº 2, 15008 A Coruña, para a autorización administrativa e aprobación do proxecto de execución da instalación que segue:
-Reforma da L.M.T. aérea a 15 kV denominada A Grela-Meicende-Mafriesa, expediente 24.511 ó seu paso polo cruzamento estrada da Coruña-Baños de Arteixo punto quilométrico 3,35, nunha lonxitude de 310 m en conductor LA-180. Concello da Coruña.
-Reforma da L.M.T. aérea a 15 kV Meicende-Moucho-Villarrodís, expediente 27.537, entre os apoios 0 e 8, 9 e 14, 19 e 21, nunha lonxitude de 1.384 m, conductor Al tipo LA-180. Concello de Arteixo.
Cumpridos os trámites ordenados nos capítulos III e IV do Decreto 2.617/1966, do 20 de outubro, sobre autorización de instalacións eléctricas, esta delegación provincial resolveu:
Autorizar e aproba-lo proxecto de execución das devanditas instalacións, nas que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan nos expedientes.
A Coruña, 17 de xaneiro de 1995.
Juan I. Lizaur Otero
Delegado provincial da Coruña