O Servicio Galego de Saúde, por proposta da Dirección Xeral de Recursos Económicos, e unha vez cumpridos os trámites administrativos correspondentes, resolve anuncia-la subministración que a seguir se cita:

I.-Subministración: equipamento informático.

II.-Orzamento: 6.700.000 ptas.

III.-Forma de adxudicación: concurso público.

IV.-Prazo de execución: os bens obxecto do presente concurso público entregaranse no prazo de 30 días contados a partir da data de notificación da adxudicación.

V.-Documentos de interese para os licitadores: o prego de cláusulas administrativas particulares e demais documentación complementaria estarán de manifesto e á disposición dos concursantes para o seu exame nos servicios centrais da Dirección Xeral de Recursos Económicos, edificio administrativo de San Caetano, bloque 2-2º en Santiago de Compostela, tódolos días laborables, agás sábados, durante as horas hábiles de oficina.

VI.-Fianza provisional: 134.000 pesetas. Tratándose de aval, tamén deberá ser depositado previamente á licitación na Caixa Xeral de Depósitos da Consellería de Economía e Facenda ou nas súas delegacións provinciais.

VII.-Presentación de proposicións: as proposicións deberán ser presentadas en man, en sobres pechados e asinados polo licitador ou persoa que o represente, no Rexistro Xeral da Consellería de Sanidade e Servicios Sociais, antes das 14 horas do vixésimo día hábil contado a partir do seguinte ó da publicación desta resolución no DOG, ou enviadas por correo dentro do prazo sinalado.

Cando as proposicións se envíen por correo, o licitador deberá xustifica-la data de imposición do envío na oficina de correos e anunciarlle ó órgano de contratación a remisión da oferta mediante fax (981-54 27 62) ou telegrama no mesmo día, de conformidade co artigo 100 do Regulamento xeral de contratación do Estado.

VIII.-Apertura de proposicións: terá lugar na sala de xuntas do Servicio Galego de Saúde, edificio administrativo de San Caetano, a partir das 10 horas do décimo primeiro día natural contado desde o seguinte a aquel en que remata o prazo de presentación de ofertas. No caso de que o dito día coincida en sábado ou festivo, a apertura de proposicións terá lugar o día hábil seguinte.

IX.-Documentación que aportarán os licitadores: os documentos que figuran na cláusula 8º do prego de cláusulas administrativas particulares.

X.-Anuncios: o pagamento do anuncio do presente

concurso público será por conta do adxudicatario do contrato.

Santiago de Compostela, 30 de xaneiro de 1995.

Antonio Carbajo Romero

Director xeral de Recursos Económicos