Visto o expediente instruído por instancia de Mª Dolores Freire Espada, na súa calidade de administradora-xerente de Ferrol Viajes, S.L., en solicitude de concesión do oportuno título-licencia da axencia de viaxes do grupo retallista á axencia Ferrol Viajes, S.L., con número XG-158 e casa central, na r/ Hospital, 6, baixo, de Ferrol.
Resultando que á solicitude da dita empresa se lle acompaña a documentación que se indica no artigo 4 e concordantes do Regulamento das axencias de viaxes aprobado polo Decreto 155/1989, do 22 de xuño, que regula o exercicio da actividade profesional que compete ás axencias de viaxes, e no que se especifican os documentos que terán que presentarse coa solicitude de outorgamento do título-licencia,
Resultando que, tramitado o oportuno expediente, aparecen cumpridas as formalidades e xustisficados os extremos que se sinalan nos artigos 4, 5 e 6 do regulamento,
Considerando que na empresa solicitante concorren tódalas condicións esixidas polo Decreto 155/1989, do 22 de xuño, para a obtención do título-licencia de axencia de viaxes do grupo retallista,
Vistos o Real decreto 2.086/1983, do 1 de setembro, de traspaso de servicios do Estado á Xunta de Galicia en competencia de materias turísticas, a Lei 1/1983, do 22 de febreiro, reguladora da Xunta e do seu presidente, e o Decreto 155/1989, do 22 de xuño, polo que se aproba o Regulamento das axencias de viaxes de Galicia, esta consellería ten a ben resolver:
Artigo único.-Concédese título-licencia de axencia de viaxes do grupo retallista, co número XG-158, a Ferrol Viajes, S.L., con casa central na rúa Hospital, 6, baixo, de Ferrol, que poderá exerce-la súa actividade mercantil a partir da data de publicación desta orde no DOG, con suxeición ós preceptos do Decreto 155/1989, do 22 de xuño, polo que se aproba o Regulamento das axencias de viaxes de Galicia, quedando inscrita a devandita axencia no Rexistro de Empresas e Actividades Turísticas da Comunidade Autónoma galega.
Contra esta resolución o interesado poderá interpoñer recurso contencioso-administrativo, ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados a partir do día seguinte ó da súa publicación no Diario Oficial de Galicia.
Santiago de Compostela, 2 de febreiro de 1995.
Dositeo Rodríguez Rodríguez
Conselleiro da Presidencia e Administración Pública