En cumprimento do acordado polo Pleno do Concello de Ponteceso, en sesión do 28 de novembro de 1994, polo presente anúnciase a convocatoria do concurso para a xestión indirecta, mediante concesión, do servicio municipal de abastecemento de auga e sumidoiros deste concello de Ponteceso, de acordo co prego de condicións xurídicas e económico-administrativas que rexen na indicada contratación, aprobado para este efecto en sesión do 21-10-1993 (exposto ó público mediante publicación do correspondente edicto no BOP nº 253, do 4-11-1994) e nos prazos e forma que se indicará no presente.

Na primeira das sesións indicadas acordouse a modificación da cláusula 34.1 do indicado prego, polo que, en cumprimento do disposto no art. 124 do Real decreto lexislativo 781/1986, do 18 de abril, exponse ó público o devandito prego, para que durante o prazo de oito días hábiles (que comezarán a contar a partir do seguinte ó da publicación deste anuncio no BOP ou no DOG) os interesados poidan presenta-las correspondentes reclamacións e/ou alegacións, que serán resoltas polo Pleno do Concello e que, interromperán o prazo licitatorio do concurso ó que fan referencia.

Concurso:

Obxecto do concurso: a xestión indirecta, mediante concesión, do servicio municipal de auga e sumidoiros.

Tipo de licitación: pola especialidade deste contrato, non se establece.

Duración do contrato: dez anos, prorrogables por período igual, logo de expreso acordo plenario.

Garantía provisional: 100.000 ptas.

Garantía definitiva: o 4 por 100 do importe anual do servicio que resulte da adxudicación.

Presentación de propostas: vinte días hábiles contados desde o día seguinte ó da última das publicacións do presente no BOP ou no DOG, segundo sexa.

Propostas e documentación: no prazo indicado de licitación, as empresas que xunten os requisitos requiridos deberán presenta-las súas propostas da forma seguinte:

Sobre A), titulado «Documentación», que deberá conte-la seguinte:

-Resgardo da garantía, provisional.

-Declaración xurada na que o licitador afirme non atoparse comprendido en ningún dos casos de incapacidade e incompatibilidade nos artigos 4 e 5 do RCCL e disposicións concordantes.

-DNI do licitador e código de identificación fiscal (ou fotocopias compulsadas). Se se actúa en representación doutra persoa ou entidade, deberá engadirse o poder verificado a custa do licitador (ou fotocopia del) e código de identificación fiscal.

-Certificado do rexistro de ter escriturado e totalmente desembolsado un capital social mínimo de corenta millóns de pesetas antes da data de presentación de proposicións.

-Último recibo do imposto de actividades económicas e xustificante dos seguros sociais.

-Memoria sobre a xustificación e prestación do servicio, na que se especificará a retribución económica do licitador co detalle dos compoñentes dos gastos de explotación e normal beneficio industrial segundo se sinala na cláusula 7ª do prego de condicións.

-Estudio de tarifas.

-Calquera outra documentación que o propoñente coide oportuna para acredita-la súa idoneidade e vantaxes da súa oferta para optar ó presente concurso.

-Os licitadores deberán presentar xustificante de estar cualificados pola Xunta Consultiva de Contratación Administrativa do Ministerio de Economía e Facenda como empresa consultora ou de servicios coas clasificacións seguintes:

Sobre B), titulado «Proposición económica», conterá proposición formulada de acordo co modelo seguinte:

D/Dª..., veciño/a de..., con domicilio en..., núm..., e DNI núm..., actuando en nome propio/ou na representación de..., segundo poder unificado que se acompaña. Informado do anuncio publicado por este concello no B.O. da provincia da Coruña núm..., correspondente ó día..., de... de 199... (ou DOG

núm..., correspondente ó día... de... de 199...) relativo ó expediente instruído para adxudica-la concesión administrativa mediante concurso para a concesión da subministración de auga potable e saneamento do concello de Ponteceso, co coñecemento do prego de condicións xurídicas e económico-administrativas, e demais documentos que integran o expediente do devandito concurso, en nome e representación invocada, afirma:

1.-Que acepta na súa integridade o prego de condicións económico-administrativas referentes ó concurso para a concesión da xestión indirecta do servicio municipal de abastecemento de auga potable e saneamento de Ponteceso e os documentos que os completan.

2.-Que se compromete, no caso de ser adxudicatario do concurso, á prestación dos servicios obxecto do contrato, suxeitándose en todo momento ás condicións establecidas e demais disposicións aplicables, as cales manifesta coñecer nas seguintes condicións:

Que o canon a percibir polo concello (ou a subvención a percibir polo concesionario), é de... ptas. (en letra e número), por cada metro cúbico facturado ós abonados do servicio.

Que, para a determinación do referido canon (ou subvención), se prevén os seguintes valores:

a) Que, de conformidade cos ingresos tarifados previamente por aplicación ós abonados das tarifas actualmente vixentes, resulta unha tarifa media de... pesetas (en letra e número), por metro cúbico de auga facturada.

b) Que o custo unitario do servicio de abastecemento de auga e saneamento, sen incluí-la amortización do volume de investimento, é de... pesetas (en letra e número) por cada metro cúbico de auga facturada.

3.-Que propón un volume de investimento de... pesetas para a execución do Plan de Investimentos.

Que, para recupera-lo dito investimento, a partir da súa entrada plena en servicio, supón un incremento no custo unitario de... pesetas, por cada metro cúbico de auga facturada.

4.-Que a documentación esixida e, en concreto, a oferta económica, consta da proposición presentada.

(Data e sinatura do propoñente).

Ponteceso, 5 de decembro de 1994.

José Luis Fondo Aguiar

Alcalde