De conformidade co establecido no título quinto da Lei 11/1983, do 25 de agosto, e o artigo 22.4 do Real decreto 1.888/1984, do 26 de setembro, este rectorado resolveu convocar a concurso as prazas que se relacionan no anexo I da presente resolución, conforme ás seguintes bases:

Unha.-Os ditos concursos rexeranse polo disposto na Lei orgánica 11/1983, do 25 de agosto (BOE do 1 de setembro); Real decreto 1.888/1984, do 26 de setembro (BOE do 26 de outubro), modificado parcialmente polo Real decreto 1.427/1986, do 13 de xuño; Orde do 28 de decembro de 1984 (BOE do 16 de xaneiro de 1985) e, no non previsto, pola lexislación xeral de funcionarios civís do Estado, e tramitaranse independentemente para cada unha das prazas convocadas.

Dúas.-Para ser admitido ós citados concursos requírense os seguintes requisitos xerais:

a) Ser español.

b) Ter cumpridos dezaoito anos e non ter cumpridos os setenta anos de idade.

c) Non ter sido separado, mediante expediente disciplinario, do servicio da Administración do Estado ou da Administración autonómica, institucional ou local, nin atoparse inhabilitado para o exercicio das funcións públicas.

d) Non padecer enfermidade nin defecto físico ou psíquico que impida o desenvolvemento das funcións correspondentes a profesor de universidade.

Tres.-Deberán reunir ademais as condicións específicas que se sinalan no artigo 4º.1 do Real decreto 1.888/1984, do 26 de setembro, segundo a categoría da praza.

Cando, estando en posesión do título de doutor, se concorra a prazas de catedrático de universidade, conforme o previsto no artigo 4º.lc) do Real decreto 1.888/1984, do 26 de setembro, e non se pertenza a ningún dos corpos que nel se sinalan, os interesados deberán acreditar ter sido eximidos de tales requisitos. Non poderán concursar a prazas de profesor titular de universidade aqueles que estiveran contratados durante máis de dous anos como axudantes nesta universidade, salvo as excepcións previstas no artigo 37.4 da Lei 11/1983, do 25 de agosto (BOE do 1 de setembro), de reforma universitaria.

Catro.- Quen desexe tomar parte no concurso remitirá a correspondente solicitude ó rector da universidade de Vigo, por calquera dos procedementos establecidos na Lei 30/1992, do 26 de novembro

(BOE do 27), de réxime xurídico das administracións públicas e do procedemento administrativo común, no prazo de vinte días hábiles a partir do día seguinte a aquel no que teña lugar a publicación desta convocatoria no Boletín Oficial del Estado, mediante instancia, segundo o modelo anexo II, debidamente cuberta, xunto cos documentos que acrediten reuni-los requisitos para participar no concurso. A concorrencia dos ditos requisitos deberá estar referida sempre a unha data anterior á de expiración do prazo fixado para solicita-la participación no concurso.

Os aspirantes deberán xustificar ter aboado na Conta da Universidade de Vigo, Outros Ingresos número 04.000.022599-4 de Caixavigo, O.P, acompañando na súa solicitude resgardo acreditativo do ingreso realizado, referenciando esta convocatoria, segundo se detalla a continuación e para cada caso a cantidade de: doutores, 1.500 ptas. (400 ptas. en concepto de formación de expediente e 1.100 ptas. por dereitos de exame); licenciados, 1.340 ptas. (240 ptas. en concepto de formación de expediente e 1.100 ptas. por dereitos de exame); diplomados, 1.260 ptas. (160 ptas. en concepto de formación de expediente e 1.100 ptas. por dereitos de exame).

Cinco.-Finalizado o prazo de presentación de solicitudes, o rector da universidade, por calquera dos procedementos establecidos na Lei de réxime xurídico das administracións públicas e do procedemento administrativo común, remitirá a tódolos aspirantes relación completa de admitidos e excluídos, con indicación das causas de exclusión. Contra a dita resolución os interesados poderán presentar reclamación perante o rector no prazo de quince días hábiles a contar desde o seguinte ó da notificación da relación de admitidos e excluídos.

Seis-O presidente da comisión, dentro do prazo habilitado regulamentariamente para a súa constitución, dictará unha resolución que deberá ser notificada a tódolos interesados cunha antelación mínima de 15 días naturais respecto da data do acto para o que se cita, convocando a:

a) Tódolos membros titulares da comisión e se é o caso, ós suplentes necesarios para efectua-lo acto de constitución dela.

b) Tódólos aspirantes admitidos a participar no concurso, para realiza-lo acto de presentación dos concursantes e con sinalamento da data, hora e lugar de celebración do dito acto.

Sete.-No acto de presentación os concursantes entregaranlle ó presidente da comisión a documentación sinalada no artigo 9º do Real decreto 1.888/1984, do 26 de setembro, modificado polo Real decreto 1.427/1986, do 13 de xuño.

Oito.-Os candidatos propostos para a provisión das prazas deberán presentar na Secretaría Xeral da Universidade no prazo de quince días hábiles seguintes

ó de conclusión da actuaci6n da comisión por calquera dos medios sinalados no artigo 38.4 da Lei de réxime xurídico das administracións públicas e do procedemento administrativo común, os seguintes documentos:

a) Fotocopia compulsada do documento nacional de identidade.

b) Certificación médica oficial de non padecer enfermidade nin defecto físico ou psíquico para o desempeño das funcións correspondentes a profesor de universidade expedida pola dirección provincial ou consellería, segundo proceda, competentes en materia de sanidade.

c) Declaración xurada de non ter sido separado da Administración do Estado, institucional ou local, nin das administracións das comunidades autónomas, en virtude de expediente disciplinario e non atoparse inhabilitado para o exercicio da función pública.

Os que tiveran a condición de funcionarios públicos de carreira estarán exentos de xustifica-los ditos documentos e requisitos, debendo presentar certificación do ministerio ou organismo do que dependan, acreditativa da condición de funcionarios e cantas circunstancias consten na folla de servicios.

Vigo, 18 de xaneiro de 1995.

José Antonio Rodríguez Vázquez

Rector da Universidade de Vigo

ANEXO I

Número de prazas: 1.

Praza número: 01/95.

Corpo ó que pertence a praza: profesores titulares de universidade.

Área de coñecemento á que corresponde: lingüística xeral.

Departamento ó que está adscrita: Filoloxía Española, Teoría da Literatura e Lingüística Xeral.

Actividades a realizar por quen obteña a praza: docencia en lingüística.

Clase de convocatoria: concurso.

Número de prazas: 1.

Praza número: 02/95.

Corpo ó que pertence a praza: profesores titulares de universidade.

Área de coñecemento á que corresponde: física aplicada.

Departamento ó que está adscrita: Física Aplicada.

Actividades a realizar por quen obteña a praza:

docencia en física e técnicas avanzadas de producción e análise de recubrimento.

Clase de convocatoria: concurso.

Número de prazas: 1.

Praza número: 03/95.

Corpo ó que pertence a praza: profesores titulares de universidade.

Área de coñecemento á que corresponde: estratigrafía.

Departamento ó que está adscrita: Recursos Naturais e Medio Ambiente.

Actividades a realizar por quen obteña a praza: docencia en estratigrafía e materias da área de coñecemento.

Clase de convocatoria: concurso.

Número de prazas: 1.

Praza número: 04/95.

Corpo ó que pertence a praza: profesores titulares de universidade.

Área de coñecemento á que corresponde: estatística e investigación operativa.

Departamento ó que está adscrita: Estatística e Investigación Operativa.

Actividades a realizar por quen obteña a praza: docencia en materias da área.

Clase de convocatoria: concurso.

Número de prazas: 1.

Praza número: 05/95.

Corpo ó que pertence a praza: catedráticos de escola universitaria.

Área de coñecemento á que corresponde: filoloxía española.

Departamento ó que está adscrita: Filoloxía Española, Teoría da Literatura e Lingüística Xeral.

Campus: Ourense.

Actividades a realizar por quen obteña a praza: docencia en lingua española.

Clase de convocatoria: concurso.

Número de prazas: 1.

Praza número: 06/95.

Corpo ó que pertence a praza: catedráticos de escola universitaria.

Área de coñecemento á que corresponde: filoloxía francesa.

Departamento ó que está adscrita: Filoloxía Francesa.

Actividades a realizar por quen obteña a praza: docencia en francés empresarial.

Clase de convocatoria: concurso.

Número de prazas: 1.

Praza número: 07/95.

Corpo ó que pertence a praza: catedráticos de escola universitaria.

Área de coñecemento á que corresponde: química analítica.

Departamento ó que está adscrita. Química Analítica e Alimentaria.

Actividades a realizar por quen obteña a praza: docencia en materias da área.

Clase de convocatoria: concurso.

Número de prazas: 1:

Praza número: 08/95.

Corpo ó que pertence a praza: profesores titulares de escola universitaria.

Área de coñecemento á que corresponde: filoloxía española.

Departamento ó que está adscrita: Filoloxía Española, Teoría da Literatura e Lingüística Xeral.

Campus: Pontevedra.

Actividades a realizar por quen obteña a praza: docencia en lingua española.

Clase de convocatoria: concurso.

Número de prazas: 1.

Praza número: 09/95.

Corpo ó que pertence a praza: profesores titulares de escola universitaria.

Área de coñecemento á que corresponde: comercialización e investigación de mercados.

Departamento ó que está adscrita: Organización de Empresas.

Actividades a realizar por quen obteña a praza: docencia en comercio exterior.

Clase de convocatoria: concurso.

Número de prazas: 1.

Praza número: 10/95.

Corpo ó que pertence a praza: profesores titulares de escola universitaria.

Área de coñecemento á que corresponde: socioloxía.

Departamento ó que está adscrita: Socioloxía, Ciencia Política e da Administración e Filosofía.

Actividades a realizar por quen obteña a praza: docencia en socioloxía empresarial.

Clase de convocatoria: concurso.