María Manuela García Jalón de la Lama, secretaria do Xulgado de Primeira Instancia e Instrucción

número cinco de Santiago de Compostela, dá fe de que no xuízo executivo que se segue neste xulgado, co número 27/1993, se dictou a sentencia que no seu encabezamento e parte dispositiva é do teor literal seguinte:

Sentencia. En Santiago de Compostela o 18 de xullo de 1994, Ángel Pantín Reigada, maxistrado-xuíz titular do Xulgado de Primeira Instancia e Instrucción número cinco dos desta cidade dictou a presente resolución no procedemento civil de xuízo executivo seguido neste xulgado co número 27/1993, no que actuaron como demandante Banco Popular Español, S.A., con domicilio en Madrid, representado polo procurador dos tribunais Narciso Caamaño Queijo e asistido polo letrado Gaspar González Peinado e como demandados Áridos Couso de Limia, S.A., non atopada no domicilio sinalado na demanda no Carballiño, José Luis Fernández Gutiérrez, non achado no domicilio sinalado na demanda en Santiago de Compostela, María José Sanchidrián Peregil, veciña de Xinzo de Limia (Ourense) e declarada en rebeldía, e José Luis Merelles Díaz, veciño de Xinzo de Limia (Ourense) representado polo procurador dos tribunais José Paz Montero e defendido polo letrado Alberto Torreiro Santiso.

Decido que debo mandar e mando seguir adiante a execución despachada contra os bens dos demandados Áridos Couso da Limia, S.A., José Luis Fernández Gutiérrez, María José Sanchidrián Peregil e José Luis Merelles Díaz ata facer remate dos bens embargados e co seu producto enteiro e cumprido pagamento á entidade demandante da cantidade de 8.549.533 pesetas de principal e mailos xuros moratorios pactados, gastos e custas que se impoñen expresamente, calculandose, sen prexuízo de ulterior liquidación, para xuros e custas e gastos a suma de 3.500.000 pesetas. Contra esta resolución poderá interpoñerse recurso de apelación para ante a Audiencia Provincial neste xulgado polo prazo de cinco días desde a notificación. Así, por esta miña sentencia, definitivamente xulgando en primeira instancia, pronúncioo, mándoo e asínoo. Asinado e rubricado.

E para que conste e sirva de notificación ó demandado rebelde Áridos Couso da Limia, S.A. e José Luis Fernández Gutiérrez, expido e asino o presente edicto en Santiago de Compostela o trinta de decembro de mil novecentos noventa e catro.

Rubricado