Notificóuselle á Consellería de Sanidade e Servicios Sociais providencia da Sección Primeira da Sala do Contencioso-Administrativo do Tribunal Superior de Xustiza de Galicia, pola que se admite o recurso contencioso-administrativo número 1/2575/1994, interposto por José Tuñas Pais e outros contra a orde do 13 de outubro de 1994 (DOG nº 203, do 20 de outubro), pola que se resolve definitivamente a primeira fase do concurso para a provisión de postos de traballo do corpo facultativo superior da Xunta de Galicia pertencentes ós servicios veterinarios oficiais da Comunidade Autónoma, convocado por Orde do 21 de xuño de 1994 (DOG nº 119, do 22 de xuño).

En consecuencia, esta dirección xeral acorda, de conformidade co disposto no artigo 64 da Lei reguladora da xurisdicción contencioso-administrativa, a remisión do correspondente expediente administrativo á referida sala, o que se notifica para xeral

coñecemento a tódalas persoas interesadas no procedemento e se emprazan para que poidan comparecer como parte en autos na Sección Primeira da Sala do Contencioso-Administrativo do Tribunal Superior de Xustiza de Galicia, no prazo de nove días.

Santiago de Compostela, 11 de xaneiro de 1995.

Carlos Negreira Souto

Director xeral de Recursos Humanos