Dentro das actividades da Escola Galega de Administración Pública para 1995 figura a realización dunhas xornadas de estudio sobre «A Unión Europea, as Comunidades Autónomas e o principio de subsidiariedade», en colaboración coa Asociación Galega de Estudios Europeos (AGEE) e a Fundación Galicia-Europa.

1.-Obxecto.

Os días 16 e 17 de febreiro de 1995 terán lugar no salón de actos da Escola Galega de Administración Pública unhas xornadas de estudio sobre «A Unión Europea, as Comunidades Autónomas e o principio de subsidiariedade».

Nesta actividade trataranse, entre outros, os seguintes temas:

-Orixe, significado e campo de aplicación do principio de subsidiariedade.

-O principio de subsidiariedade no dereito e a práctica da UE. Posición da Comisión e do Parlamento.

-Subsidiariedade e poderes comunitarios.

-Os estados fronte ó principio de subsidiariedade: a posición española.

-As entidades locais e rexionais fronte ó principio de subsidiariedade.

-Subsidiariedade e descentralización política.

-O principio de subsidiariedade e a Administración única.

2.-Destinatarios.

Persoal ó servicio de calquera das administracións públicas de Galicia e interesados na materia obxecto desta actividade.

3.-Desenvolvemento e duración.

As xornadas abriranse o xoves, día 16 de febreiro, ás 16.15 horas, e rematarán ás 18.15 horas da tarde, do 17 de febreiro de 1995.

4.-Inscrición.

-Prazo: remata o martes, día 13 de febreiro de 1995.

-Lugar de presentación: no Rexistro Xeral da EGAP (Polígono das Fontiñas, rúa de Madrid, 2-4, 15703 Santiago de Compostela). Telf. 57 08 00. Telefax 57 15 40.

-Forma: as solicitudes de inscrición faranse por escrito, no modelo oficial que figura ó final destas bases.

Serán rexeitadas todas aquelas peticións que non reúnan o dito requisito.

As peticións de admisión poderanse enviar por correo ordinario ou por telefax ó número consignado.

-Inscrición fóra de prazo: só se admitirán de quedaren prazas baldeiras, coa condición de que se cumpran os requisitos xerais antes indicados.

O número de prazas para asistir a estas xornadas é limitado e darase preferencia ó persoal vinculado á Administración pública, que, no seu traballo, teña relación directa co obxecto desta actividade.

A partir do 14 de febreiro, os peticionarios poderán obter confirmación da súa posible admisión, chamando por teléfono en días laborables, de 11.30 a 14.45 horas, ó seguinte número: (981) 57 08 00 (ext. 229), ou ben consultando a lista de admitidos que se expoñerá no taboleiro de anuncios da EGAP 24 horas despois do remate do prazo de presentación de solicitudes.

5.-Certificación de asistencia.

Entregaráselles ó remate destas xornadas a aqueles asistentes que concorresen asiduamente a elas, e expresarase neste documento a natureza da actividade e as datas da súa realización.

Santiago de Compostela, 19 de xaneiro de 1995.

Xaime Rodríguez-Arana Munoz

Director da Escola Galega de Administración Pública